سینئروکیل نعیم بخاری کی بانی پی ٹی آئی پر تنقید

القادر ٹرسٹ کی زمین کو تو انہیں ہاتھ بھی نہیں لگانا چاہیے تھا‘ریاست کا ملکیتی کوئی ہار آپ کیسے لے سکتے ہیں

پیر 7 اپریل 2025 14:54

سینئروکیل نعیم بخاری کی بانی پی ٹی آئی پر تنقید

اسلام آباد (اُردو پوائنٹ اخبارتازہ ترین - این این آئی۔ 07 اپریل2025ء)سینئر وکیل اور میزبان نعیم بخاری نے بانی پی ٹی آئی پر تنقید کی ہے۔ انہوں نے کہا کہ القادر ٹرسٹ کی زمین کو تو انہیں ہاتھ بھی نہیں لگانا چاہیے تھا۔ وہ اگر بانی پی ٹی آئی کے مشیر ہوتے تو انہیں یہ مشورہ دیتے۔

(جاری ہے)

نعیم بخاری نے کہا کہ ریاست کا ملکیتی کوئی ہار آپ کیسے لے سکتے ہیں کوئی بال پین یا پینسل بھی تحفہ ملے تو وہ بھی ریاست کی ملکیت ہوتی ہے۔انہوں نے کہا کہ بانی پی ٹی آئی مردم شناس بھی نہیں۔ بانی پی ٹی آئی فواد چودھری کو کیسے منتخب کر سکتے ہیں بابر اعوان مشیر کیسے ہو سکتے ہیں سینئر وکیل کا مزید کہنا تھا کہ بانی پی ٹی آئی توہم پرست بھی ہو گئے تھے، کہ آج دن اچھا نہیں۔