Live Updates

عمران خان کا مشیر ہوتا تو مشورہ دیتا کہ القادر ٹرسٹ کی زمین کو ہاتھ بھی نہیں لگانا

عمران مردم شناس نہیں ہیں وہ فواد چوہدری کو کیسے منتخب اور بابر اعوان کو کیسے مشیر بناسکتے ہیں؟ سینئر قانون دان نعیم بخاری نے بانی پی ٹی آئی کی غلطیوں کی نشاندہی کر دی

پیر 7 اپریل 2025 21:10

عمران خان کا مشیر ہوتا تو مشورہ دیتا کہ القادر ٹرسٹ کی زمین کو ہاتھ ..

اسلام آباد (اُردو پوائنٹ اخبارتازہ ترین - این این آئی۔ 07 اپریل2025ء) سینئر قانون دان نعیم بخاری نے بانی پی ٹی آئی کی غلطیوں کی نشاندہی کرتے ہوئے کہا ہے کہ عمران خان کا مشیر ہوتا تو مشورہ دیتا کہ القادر ٹرسٹ کی زمین کو ہاتھ بھی نہیں لگانا، عمران مردم شناس نہیں ہیں وہ فواد چوہدری کو کیسے منتخب اور بابر اعوان کو کیسے مشیر بناسکتے ہیں؟۔ تفصیلات کے مطابق عمران خان کے قریب رہنے والے معروف قانون دان نعیم بخاری کی جانب سے بانی تحریک انصاف سے متعلق اہم انکشافات کیے گئے ہیں۔

ایک نجی پوڈ کاسٹ میں گفتگو کرتے ہوئے نعیم بخاری نے کہا کہ میں پی ٹی آئی کا کارکن ہوں اور آج بھی عمران خان کو پسند کرتا ہوں۔ انہوں نے کہا کہ اس سب کے باوجود یہ حقیقت ہے کہ عمران خان توہم پرست ہوگئے تھے۔

(جاری ہے)

انہوں نے بتایا کہ عمران خان کی توہم پرستی کا یہ عالم تھا کہ وہ دن، راستے اور حتی کہ کپڑوں کے بارے میں رائے دیتے اور انہیں اچھا یا برا مانتے تھے۔

انہوں نے کہا کہ اگر میں عمران خان کا مشیر ہوتا تو مشورہ دیتا کہ انہیں القادر ٹرسٹ کی زمین کو ہاتھ بھی لگانا نہیں چاہئے تھا۔ نعیم بخاری نے شکوہ کرتے ہوئے کہا کہ عمران خان مردوں کو پہچان سکتے ہیں اور نہ ہی عورتوں کو، وہ فواد چوہدری کو کیسے منتخب اور بابر اعوان کو مشیر کیسے بناسکتے ہیں ۔انہوں نے کہا کہ ریاست کا ملکیتی ہار آپ توشہ خانہ سے کیسے لے سکتے ہیں ،بطور وزیراعظم کوئی پین یا پنسل بھی تحفہ ملے تو وہ ریاست کی ملکیت ہے۔