Live Updates

200 کے ہدف کا ناکام دفاع، محمد رضوان پی ایس ایل کی تاریخ کے بدترین کپتان بن گئے

جیمز ونس کی دھواں دار بیٹنگ کی بدولت کراچی کنگز نے 237 رنز کا تعاقب وکٹوں کے نقصان پر ویں اوور میں کیا

ذیشان مہتاب اتوار 13 اپریل 2025 12:33

200 کے ہدف کا ناکام دفاع، محمد رضوان پی ایس ایل کی تاریخ کے بدترین کپتان ..

لاہور (اردو پوائنٹ تازہ ترین اخبار ۔ 13 اپریل 2025ء ) پاکستان سپر لیگ 10 میں کراچی کنگز نے جیمز ونس کی دھواں دار سنچری کی بدولت ملتان سلطانز کو 4 وکٹوں سے شکست دے دی، اس ناکامی کے بعد محمد رضوان 200 کے ہدف کے کامیاب دفاع میں سب سے زیادہ ناکام رہنے والے پی ایس ایل کپتان بن گئے۔

نیشنل اسٹیڈیم، کراچی میں کھیلے گئے ایونٹ کے تیسرے میچ میں کراچی کنگز نے 237 رنز کا ہدف آخری اوور میں 6 وکٹوں کے نقصان پر حاصل کیا۔

کراچی کنگزکے جیمز ونس نے دھواں دار 101 رنز بنا کر ٹیم کی فتح میں کلیدی کردار ادا کیا۔ خوشدل شاہ 60، ٹِم سائفرٹ 32، کپتان ڈیوڈ وارنر 12، عرفات منہاس 10 جبکہ شان مسعود 0 رنز بنا کر آؤٹ ہوئے۔ عباس آفریدی 9 اور عرفان خان 5 رنز بنا کر ناٹ آؤٹ پویلین لوٹے۔

(جاری ہے)

ملتان سلطانز کی جانب سے عاکف جاوید نے 3 جبکہ اسامہ میر اور مائیکل بریسویل نے 1، 1 وکٹ حاصل کی۔

اس سے قبل کراچی کنگز کی دعوت پر پہلے بیٹنگ کرتے ہوئے ملتان سلطانز نے مقرر 20 اوورز میں 3 وکٹوں کے نقصان پر 234 رنز بنائے۔

کپتان محمد رضوان 105 رنز بنا کر ناقابلِ شکست پویلین لوٹے۔ مائیکل بریسویل 44 رنز بنا کر ناٹ آؤٹ رہے۔ کامران غلام 36، عثمان خان 19 اور شائی ہوپ 8 رنز بنا کر آؤٹ ہوئے۔

محمد رضوان بطور ملتان سلطانز کپتان تیسرے مرتبہ 200 سے زائد کے ہدف کے کامیاب دفاع میں ناکام رہے، ان کے علاوہ لاہور قلندرز کے شاہین آفریدی اور پشاور زلمی کے بابر اعظم بھی 2،2 مرتبہ 200 سے زیادہ کے ہدف کے کامیاب دفاع میں ناکام رہے ہیں۔ کراچی کنگز کی جانب سے خوشدل شاہ ، حسن علی اور عباس آفریدی نے 1، 1 وکٹ حاصل کی۔