Live Updates

پی ایس ایل میں ایک ٹیم کیلئے زیادہ ففٹیز، فخر زمان نے بابر اعظم کا ریکارڈ برابر کردیا

گزشتہ روز لاہور قلندرز نے کراچی کنگز کو ان کے ہوم گراؤنڈ پر شکست سے دوچار کیا

ذیشان مہتاب بدھ 16 اپریل 2025 13:55

پی ایس ایل میں ایک ٹیم کیلئے زیادہ ففٹیز، فخر زمان نے بابر اعظم کا ریکارڈ ..

لاہور (اردو پوائنٹ تازہ ترین اخبار ۔ 16 اپریل 2025ء ) پاکستان سپر لیگ (پی ایس ایل) 10 میں لاہور قلندرز کی نمائندگی کرنیوالے جارح مزاج اوپنر فخر زمان نے لیگ میں ایک ٹیم کے لیے سب سے زیادہ ففٹیز سکور کرنے کا بابر اعظم کا ریکارڈ برابر کردیا ہے۔

گزشتہ روز لاہور قلندرز کے اوپنر فخر زمان نے نیشنل بینک اسٹیڈیم میں کراچی کنگز کے خلاف پی ایس ایل کیریئر کی 21ویں ففٹی اسکور کی، جس کے بعد انہوں نے پی ایس ایل میں ایک ٹیم کے لیے سب سے زیادہ ففٹیز کا بابر اعظم کا ریکارڈ برابر کردیا ، انہوں نے 46 گیندوں پر 76 رنز کی اننگز کھیلی جس میں 6 چوکے اور 5 چھکے شامل تھے۔

فخر زمان اب لاہور قلندرز کے لیے 23 نصف سنچریاں سکور کرکے بابر اعظم کے ہم پلہ آگئے ہیں جن کی کراچی کنگز کے لیے اتنی ہی نصف سنچریاں ہیں۔

(جاری ہے)

ملتان سلطانز کے محمد رضوان 21 نصف سنچریوں کے ساتھ اس فہرست میں دوسرے جب کہ پشاور زلمی کے کامران اکمل 15 ففٹیز کے ساتھ اس فہرست میں تیسرے نمبر پر ہیں ۔

اس میچ میں فخر زمان نے لیگ میں سب سے زیادہ ففٹیز کے ریکارڈ میں رضوان کو بھی پیچھے چھوڑا۔

ملتان سلطانز کے کپتان محمد رضوان بھی اب تک 20 پی ایس ایل ففٹیز بنا چکے ہیں تاہم فخر 21 نصف سنچریوں کیساتھ دوسرے سب سے زیادہ ففٹیز بنانے والے بلے باز بن چکے ہیں۔

لیگ میں سب سے زیادہ نصف سنچریوں کا ریکارڈ پشاور زلمی کے کپتان بابر اعظم کے پاس ہے، وہ اب تک 33 مرتبہ 50 کے ہندسے کو عبور کرچکے ہیں۔ اس فہرست میں آل راؤنڈر شعیب ملک نے 15 اور کیوی بیٹر کولن منرو نے 13 ففٹیز بنائی ہیں۔