Live Updates

پی ٹی آئی رہنماء جنید اکبر نے پارٹی میں کئی دھڑنے موجود ہونے کا اعتراف کرلیا

پارٹی میں ہر بندے کو آگے بڑھنے کا موقع ملتا ہے تو پھر اختلاف رائے تو موجود ہوگا، جس بندے پر بانی پی ٹی آئی عمران خان کا ہاتھ ہوگا وہی آگے آئے گا، صوبائی صدر پی ٹی آئی کی میڈیا سے گفتگو

فیصل علوی جمعرات 17 اپریل 2025 14:35

پی ٹی آئی رہنماء جنید اکبر نے پارٹی میں کئی دھڑنے موجود ہونے کا اعتراف ..

پشاور(اردوپوائنٹ اخبار تازہ ترین۔17اپریل 2025)پاکستان تحریک انصاف کے رہنماءجنید اکبر نے پارٹی میں کئی دھڑے موجود ہونے کا اعتراف کر لیا، پی ٹی آئی میں ہر بندے کو آگے بڑھنے کا موقع ملتا ہے تو پھر اختلاف رائے تو موجود ہوگا،پارٹی میں جس بندے پر بانی پی ٹی آئی عمران خان کا ہاتھ ہوگا وہی آگے آئے گا،میڈیا سے گفتگو کرتے ہوئے پی ٹی آئی خیبرپختونخواہ کے صوبائی صدر نے کہا کہ پارٹی کو توڑنے کی کوشش کی گئی۔

ذاتی ووٹ والے اب تحریک انصاف میں نہیں ہیں سب چھوڑ کر چلے گئے ہیں۔جنید اکبر نے یہ بھی کہا کہ پاکستان تحریک انصاف میں صر ف بانی پی ٹی آئی عمران خان اور اس کے ورکرز ہیں۔ ابھی تو پارٹی میں کوئی بڑا نام نہیں رہ گیا سب ہمارے جیسے ہی عام لوگ ہیں۔ایک سوال کے جواب میں انہوں نے کہا کہ خیبر پختونخواہ سے تو آج بھی لوگ نکل رہے ہیں تاہم ہمارے ورکرزکو ڈرایا جاتا ہے۔

(جاری ہے)

پنجاب کے لوگ کیوں نہیں نکل رہے یہ سوال پنجاب کی قیادت سے پوچھا جائے۔خیال رہے کہ اس سے قبل پاکستان تحریک انصاف کے پارٹی رہنماﺅں کے درمیان اختلافات کی خبریں سامنے آئیں تھیں۔وزیراعلیٰ خیبرپختونخوا ہ علی امین گنڈاپور نے سوشل میڈیا پر ایک بیان میں پی ٹی آئی کے بعض رہنماو¿ں پر سازش کرنے کا الزام لگایا تھا جس کے جواب میں پی ٹی آئی کے رکن قومی اسمبلی شہرام خان ترکئی نے علی امین گنڈا پور کے بیان کی تحقیقات کا مطالبہ کیا تھا۔

بعدازاں پی ٹی آئی کے چیئرمین بیرسٹرگوہر نے پارٹی میں بڑھتے اختلافات کے پیش نظر رہنماوں کو میڈیا میں بیان بازی سے روک دیا تھا۔بیرسٹر گوہر نے کہا تھا کہ آئندہ پارٹی عہدیدار عوامی سطح پر اختلافات کا اظہار نہیں کریں گے اور پارٹی اپنے تمام معاملات مناسب فورم پر ہی حل کرے گی۔پی ٹی آئی چیئرمین بیرسٹرگوہر کا یہ بھی کہنا تھا کہ آئندہ پارٹی عہدیدار عوامی سطح پر اختلافات کا اظہار نہیں کریں گے اور پارٹی اپنے تمام معاملات مناسب فورم پر ہی حل کرے گی۔بیرسٹر گوہر نے وزیراعلیٰ خیبرپختونخوا ہ علی امین گنڈاپور ، اسد قیصر اور تیمور جھگڑا سے رابطہ کیا تھا اور انہیں میڈیا پر بیانات دینے سے روک دیا تھا۔