معرکہ حق کے دوران پاکستان نے الیکٹرانک وار فیئر میں بھارتی فوج کو حیران و پریشان کردیا، بھارتی ڈپٹی آرمی چیف کا پاکستان سے جنگ میں ناکامی کا اعتراف

نئی دہلی(اردوپوائنٹ اخبار تازہ ترین۔05جولائی 2025)بھارتی ڈپٹی آرمی چیف لیفٹیننٹ جنرل راہول سنگھ نے کہاہے کہ معرکہ حق کے دوران پاکستان نے الیکٹرانک وار فیئر میں بھارتی فوج کو حیران و پریشان کرکے رکھ دیا،بھارتی ڈپٹی آرمی چیف پاکستان سے جنگ میں اپنی ناکامی کا اعتراف کرلیا،بھارتی میڈیا کے مطابق لیفٹیننٹ جنرل راہول سنگھ نے نئی دہلی میں ایک دفاعی تقریب سے خطاب کرتے ہوئے پاک فضائیہ کی الیکٹرانک جنگی صلاحیتوں کی تعریف کرتے ہوئے کہا کہ آپریشن سندور کے دوران ان کی کارکردگی بے مثال تھیں اور پاک فوج کے الفتح راکٹ سسٹم نے بھارتی فوجی اڈوں کو مؤثر طریقے سے نقصان پہنچایا۔

ڈپٹی آرمی چیف نے جنگ کے دوران ہوئی غلطیوں سے سبق سیکھنے کا مشورہ دیتے ہوئے ملک کا دفاعی نظام اپڈیٹ کرنے کامطالبہ بھی کردیا۔

(جاری ہے)

بھارتی ڈپٹی آرمی چیف لیفٹیننٹ جنرل راہول سنگھ نے پاکستان سے شکست کا اعتراف کرتے ہوئے کچھ مضحکہ خیز وجوہات بھی پیش کی ہیں۔ دفاعی تقریب سے خطاب کرتے ہوئے لیفٹیننٹ جنرل راہول سنگھ نے میں الزام عائد کیاکہ پاک بھارت جنگ میں ہمیں ایک نہیں تین ممالک کا سامنا تھا۔

ہمارا سامنے سرحد ایک تھی مگردشمن 3 تھے۔چار روزہ لڑائی کے دوران اسے ایک سرحد پر پاکستان کے علاوہ چین اور ترکی کا بھی سامنا تھا اور چین پاکستان کو انڈیا کی عسکری تنصیبات کے حوالے سے لائیو معلومات فراہم کر رہا تھا۔انہوں نے کہا کہ یہ زیادہ حیرت کی بات نہیں ہے کیونکہ اگر آپ اعداد و شمار پر نظر دوڑائیں تو گزشتہ 5 سالوں میں 81 فیصد اسلحہ اور آلات جو پاکستان کو ملا ہے وہ سب چینی ساختہ تھے۔

انہوں نے دعویٰ کیا کہ چین اپنے ہتھیاروں کو دوسرے ہتھیاروں کے سسٹمز کے خلاف ٹیسٹ کر رہا تھا یعنی وہ اس کیلئے ایک لائیو لیب کی طرح تھا۔ اس لئے یہ وہ چیز ہے جس کے بارے میں ہمیں مستقبل میں محتاط رہنا ہو گا۔لیفٹیننٹ جنرل راہول سنگھ نے یہ الزام بھی عائد کیا کہ چین کے علاوہ ترکیے نے بھی پاکستان کی بھر پور مدد کی۔ وہ پہلے ہی پاکستان کو ڈرون فراہم کر رہا تھا لیکن ان کے ساتھ اب ماہر افراد بھی موجود تھے۔

بھارتی ڈپٹی آرمی چیف کامزید یہ بھی کہناتھاکہ جب پاکستان سے ڈی جی ایم او (ڈائریکٹر جنرل ملٹری آپریشنز) کی سطح پر بات چیت ہو رہی تھی تو انہوں نے حیران کن بات بتائی کہ پاک فوج کو آپ لوگوں کی تمام نقل و حرکت کا علم تھا۔جنرل راہول سنگھ نے بھارتی فوج کی ناکامیوں کو تسلیم کرتے ہوئے کہا کہ پاکستانی فوج کو ان کی تمام نقل و حرکت کا علم تھا اور پاکستان کی C4ISR صلاحیتیں نے بھارتی فوج کو حیران کر دیا۔

بھارتی ڈپٹی آرمی چیف نے اس کے ساتھ ہی بھارتی ائیرڈیفنس کی ناکامی کا اعتراف کرتے ہوئے کہا ہمیں وقت پر اہم سامان نہیں ملا۔لیفٹیننٹ جنرل راہول سنگھ پاک فضائیہ کی الیکٹرانک جنگی صلاحیتوں کو بے مثال قرار دیا خاص طور پر آپریشن سندور کے دوران۔لیفٹیننٹ جنرل راہول سنگھ کایہ بھی کہناتھاکہ بھارت کے بڑے سائز کی وجہ سے بھارتی ائرڈیفنس ناکام ہوگیا اور پاک فوج کے الفتح راکٹ سسٹم نے بھارتی فوجی اڈوں کو مؤثر طریقے سے نقصان پہنچایا۔لیفٹیننٹ جنرل راہول سنگھ نے اپنے خطاب میں کہا کہ ہمیں سی 4 آئی ایس آر اور سول ملٹری فیوژن کے حوالے سے بہت کچھ کرنے کی ضرورت ہے۔