Live Updates

ٹرمپ نے ٹیکس اخراجات سے متعلق بگ بیوٹی فل بل پر دستخط کردئیے

دفاعی اخراجات میں اضافہ اور امیگریشن پر سخت اقدامات کو قانون کا حصہ بنا دیا، بگ بیوٹی فل بل کسی ملک کی تاریخ کا بہترین بل ہے، ہم امریکہ کو پھر سے عظیم ترین ملک بنائیں گے، امریکی سٹاک مارکیٹ آج بلندترین سطح پر ہے، امریکہ کو عظیم ترین بنائیں گے امریکی صدرکا تقریب سے خطاب

فیصل علوی ہفتہ 5 جولائی 2025 09:52

واشنگٹن(اردوپوائنٹ اخبار تازہ ترین۔05جولائی 2025)امریکی صدر ڈونلڈ ٹرمپ نے ٹیکس اخراجات سے متعلق بگ بیوٹی فل بل پر دستخط کردئیے،دفاعی اخراجات میں اضافہ اور امیگریشن پر سخت اقدامات کو قانون کا حصہ بن گیا،وائٹ ہاؤس میں بگ فل بیوٹی دستخط کی تقریب منعقد کی گئی جس میں اعلیٰ حکومتی عہدیداروں، فوجی افسران اور ارکانِ کانگریس نے شرکت کی،صدر ٹرمپ نے سینیٹ اور ایوان نمائندان سے منظور ہونے والے ٹیکس اور اخراجات سے متعلق بگ بیوٹی فل بل پر دستخط کرکے ٹیکس میں کمی، دفاعی اخراجات میں اضافہ اور امیگریشن پر سخت اقدامات کو قانون کا حصہ بنا دیاگیا۔

یوم آزادی کی تقریب سے خطاب میں امریکی صدر نے کہا کہ بگ بیوٹی فل بل کسی ملک کی تاریخ کا بہترین بل ہے۔ ہم امریکہ کو پھر سے عظیم ترین ملک بنائیں گے۔

(جاری ہے)

بگ بیوٹی فل بل کسی بھی ملک کی تاریخ کا بہترین قانون ہے جو معاشی ترقی کو آگے لے کر جاتا ہے۔انہوں نے کہاکہ امریکی سٹاک مارکیٹ آج بلندترین سطح پر ہے۔ امریکہ کو عظیم ترین بنائیں گے۔ امریکی فضائیہ نے چند روز قبل کامیاب آپریشن کیا۔

ہم نے امریکہ کی طاقت کو بحال کیا، بائیڈن دور میں 21ملین افراد غیر قانونی طور پر امریکا میں داخل ہوئے۔ اب ہمارے بارڈرز پہلے سیزیادہ محفوظ ہیں۔تقریب سے خطاب میں امریکی صدرکامزید کہناتھا کہ نے ایران پر حملے سے متعلق دوبارہ بات کرتے ہوئے کہا کہ چند روز قبل امریکی فضائیہ نے ایران میں کامیاب آپریشن کیا۔ ہم نے امریکہ کی طاقت کو بحال کیا ہے۔

انہوں نے بگ بیوٹی فل بل کی منظوری پر تمام امریکیوں کو مبارکباد دیتے ہوئے کہایہ بل امریکی ترقی، دفاع اور معیشت کے استحکام کی جانب ایک بڑا قدم ہے۔ٹرمپ نے اپنی کامیابیوں کا تذکرہ کرتے ہوئے کہا کہ ان کے اقتدار میں آنے کے بعد امریکی سٹاک مارکیٹ بلند ترین سطح پر پہنچی اور امریکی تاریخ میں سب سے زیادہ روزگار کے مواقع پیدا کئے گئے۔ انہوں نے زور دے کر کہاکہ ہم نے امریکہ کی طاقت بحال کی اور اب اسے مزید جدید بنا رہے ہیں۔

ٹرمپ کایہ بھی کہناتھاکہ افغانستان جانا ہماری تاریخ کا سیاہ ترین دن تھا۔ جو بائیڈن دور میں اکیس ملین افراد غیر قانونی طور پر امریکا میں داخل ہوئے۔ اب ہمارے بارڈرز پہلے سے زیادہ محفوظ ہیں۔صدر ٹرمپ نے امریکی فوج سے متعلق کہا کہ میں امریکی بری، بحری اور فضائی فوج سے محبت کرتا ہوں۔ ان کے افسران اور جوانوں کو میرا سلام ہے۔انہوں نے نیٹو پر امریکی اخراجات کا ذکر کرتے ہوئے کہا کہ پہلے امریکہ کا 2 فیصد بجٹ نیٹو پر خرچ ہوتا تھا جو اب 5 فیصد تک بڑھ چکا ہے۔ انہوں نے اسے امریکا کی عالمی قیادت کی بحالی کا مظہر قرار دیا۔تقریب کے اختتام پر صدر ٹرمپ نے کہا، ''سب کو میری طرف سے 4 جولائی کی خوشیاں مبارک ہوں۔ آج کا امریکہ پہلے سے زیادہ محفوظ اور مضبوط ہے۔