سعودی حکومت کا پورٹل بند ہو چکا، اب وہ مزید عازمین کو اجازت دینے پر آمادہ نہیں،وفاقی وزیر مذہبی امور

وزیراعظم شہباز شریف سعودی ولی عہد سے بات کریں تو معاملہ حل ہو سکتا ہے، حج آرگنائزرز ایسوسی ایشن کے چیئرمین ناصر خان کی حکومت سے اپیل

فیصل علوی منگل 22 اپریل 2025 12:03

سعودی حکومت کا پورٹل بند ہو چکا، اب وہ مزید عازمین کو اجازت دینے پر ..

اسلام آباد(اردوپوائنٹ اخبار تازہ ترین۔22اپریل 2025)وفاقی وزیر مذہبی امور سردار یوسف کا کہنا ہے کہ نجی ٹور آپریٹرز نے عدالت جا کر وقت ضائع کیا، سعودی حکومت کا پورٹل بند ہو چکا، اب وہ مزید عازمین کو اجازت دینے پر آمادہ نہیں، حج کے خواہش مند 67 ہزار افراد کا معاملہ لٹک گیا، وزارت مذہبی امور نے الزام لگایا ہے کہ نجی ٹور آپریٹرز نے عدالت جا کر وقت ضائع کیا، اس حوالے سے وفاقی وزیر مذہبی امور سردار یوسف نے کہا کہ جن عازمین نے ادائیگی طریقہ کار کے مطابق سعودی حکام کو کی ہے ان کی رقم واپس ہو جائے گی۔

نجی حج عازمین میں سے 23ہزار 620 کی کلیئرنس ہو چکی ہے اس میں سے 13 ہزار افراد حکومت کی کوششوں کی وجہ سے حج کر سکیں گے۔انہوں نے کہا کہ نجی ٹور آپریٹرز نے عدالت جا کر وقت ضائع کیا۔

(جاری ہے)

دوسری جانب حج آرگنائزرز ایسوسی ایشن کے چیئرمین ناصر خان نے کہا کہ وزیراعظم شہباز شریف سعودی ولی عہد سے بات کریں تو معاملہ حل ہو سکتا ہے۔انہوں نے کہا کہ حکومت نے پچھلے سال اپنا سرکاری حج کا کوٹا پورا نہیں کیا اس سال وہ اپنا کوٹہ پورا کرنے میں مصروف رہی، جس کے بعد ہمیں اشتہار چلانے کی اجازت دیاس لئے ہمیں تاخیر ہو گئی۔

حج آرگنائزر ایسوسی ایشن آف پاکستان نے حکومت سے درخواست کی ہے کہ سعودی ڈیجیٹل سسٹم نسک کی ٹائم لائن گزشتہ سال کے مقابلے میں ایک ماہ پہلے ہی درخواستوں کیلئے بند کردی گئی اس وجہ سے انہیں رہ جانے والے عازمین حج کے ویزا کے حصول کیلئے 72 گھنٹوں کی مہلت دی جائے۔واضح رہے کہ رواں سال 10 ہزار حج کوٹہ ملنے کے باجود پرائیویٹ حج سکیم کے 67 ہزار عازمین حج فریضہ حج کی سعادت سے محروم ہو جائیں گے۔

پاکستان کا کل حج کوٹہ 179210 ہے جس میں سے نصف کوٹہ 89605 سرکاری سکیم کا ہے اور 89605 پرائیویٹ حج سکیم کا ہے، حج سروسز کے ایگریمنٹس اور ادائیگیاں شیڈول کے مطابق نہ ہونے کی وجہ سے سعودی حکومت نے پرائیویٹ حج سکیم کے صرف 14ہزار عازمین حج کی پیمنٹس قبول کیں۔نائب وزیراعظم اور وزیر خارجہ اسحاق ڈار نے سعودی وزیر خارجہ کو فون کیا جس کے نتیجے میں سعودی حکومت نے مزید 10 ہزار عازمین کو اجازت دے دی۔10ہزار کا کوٹہ ملنے کے بعد نجی سکیم کے عازمین حج کی تعداد 24 ہزار ہوگئی اور مزید 67 ہزار کی بکنگ کی جا چکی ہے۔