ؒپہلگام حملہ بھارت کا فالس فلیگ آپریشن‘ مقصد اپنی دہشتگردانہ کارروائیوں سے دنیا کی توجہ ہٹانا ہے : مشاہد حسین سید

بدھ 23 اپریل 2025 19:45

}لاہور (اُردو پوائنٹ اخبارتازہ ترین - آن لائن۔ 23 اپریل2025ء) ادارہٴ نظریہٴ پاکستان کے وائس چیئرمین مشاہد حسین سید نے ایوان قائداعظم سے جاری کردہ اپنے ایک بیان میں مقبوضہ کشمیر کے علاقہ پہلگام میں سیاحوں پر ہونیوالی فائرنگ کے واقعہ کو بھارت کی خودساختہ کارروائی قرار دیتے ہوئے کہا ہے کہ بھارت نے ایک بار پھر پرانی حرکت دہرائی اور پلوامہ حملہ کی طرح ایک فالس فلیگ آپریشن کیا ہے۔

(جاری ہے)

اس فالس فلیگ آپریشن کا مقصد اندرونی شورش سے توجہ ہٹانا‘ عالمی سطح پر پاکستان کو بدنام اور تحریک آزادئ کشمیر کونقصان پہنچانا ہے۔ بھارت اپنی دہشتگردانہ کارروائیوں سے دنیا کی توجہ ہٹانے کیلئے ماضی میں بھی ایسی حرکات کرتا رہا ہے جو کئی بار بے نقاب ہو چکی ہیں۔ بھارت من گھڑت اور بے بنیاد پراپیگنڈہ کے ذریعے اس حملہ کا الزام پاکستان پر لگا رہا جس کی کوئی حقیقت نہیں ہے۔