پاکستان مرکزی مسلم لیگ کے زیراہتمام کوئٹہ پریس کلب کے سامنے بھارتی جارحیت کے خلاف احتجاجی مظاہرہ

جمعرات 24 اپریل 2025 18:30

کوئٹہ (اُردو پوائنٹ اخبارتازہ ترین - اے پی پی۔ 24 اپریل2025ء) پاکستان مرکزی مسلم لیگ کے زیراہتمام جمعرات کو کوئٹہ پریس کلب کے سامنے بھارتی جارحیت کے خلاف احتجاجی مظاہرہ کیاگیا۔احتجاجی مظاہرے سے مفتی محمد قاسم ،ادریس مغل ودیگر مقررین نے خطاب کیا۔

(جاری ہے)

مظاہرین سے خطاب کرتے ہوئے مقررین نے بھارتی جارحیت کی مذمت کرتے ہوئے کہاکہ بھارت اپنی ناکامی چھپانے کیلئے اوچھے ہتھکنڈوں پر اتر آیاہے ،بھارتی حکومت کی ناکامی کی آڑ میں پاکستان پر آبی جارحیت کسی صورت قبول نہیں ،دنیا کی آنکھیں کھلی ہیں ۔

انہوں نے کہاکہ بھارت کی مقبوضہ کشمیر پر قبضے ،ہزاروں کی تعداد میں مسلح فوجیوں کے باوجود ایسے واقعات ان کی سکیورٹی ناکامی ہے ،بھارت اپنی ناکامی تسلیم کرنے کی بجائے پاکستان کے خلاف زہر اگل رہاہے ، زہر اگلنے کے ساتھ ساتھ بھارت اب آبی جارحیت پر اتر آیاہے ،جس کی کسی صورت اجازت نہیں دی جا سکتی،عالمی برادری بھارتی جارحیت کانوٹس لے۔