ں* ملتان میں سیوریج اور نکاسی کی سہولیات کو اپ گریڈ کرنے کے منصوبے کی کامیاب تکمیل

Pاسلام آباد(اُردو پوائنٹ اخبارتازہ ترین - آن لائن۔ 24 اپریل2025ء) حکومت جاپان کے گرانٹ ایڈ پراجیکٹ کے تحت ملتان میں سیوریج اور نکاسی کی سہولیات کو اپ گریڈ کرنے کے منصوبے کی کامیاب تکمیل ہوگئی ہے ۔ ملتان میں جاپان کی مدد سے گرانٹ ایڈ پروجیکٹ ''دی پروجیکٹ فار اپ گریڈنگ سیوریج اینڈ ڈرینج سروسز ان ملتان'' کو کامیابی سے پایہ تکمیل تک پہنچ گیا ہے۔

اس منصوبے کے لیے جاپان کی حکومت نے گرانٹ کی رقم: 1.236 بلین ین کی گرانٹ فراہم کی گئی تھی۔ اس حوالے سے آج ایک تقریب کا انعقاد کیا گیا۔پاکستان میں جاپان کے سفیر اکا متسو شیوچی جاہیکا پاکستان کے چیف نمائندے ناہوکی میاتا اور خالد رضا خان، منیجنگ ڈائریکٹر واٹر اینڈ سینی ٹیشن ایجنسی، ملتان نے تقریب میں شرکت کی۔ملتان میں گندے پانی کے اخراج کی مقدار میں اضافے اور آبادی میں اضافے کے باعث پیدا ہونے والے کوڑے کے باعث سیوریج کے پائپوں کی نکاسی کی گنجائش کم ہو گئی ہے۔

(جاری ہے)

نتیجتاً شہر کی سڑکوں پر سیوریج اکثر اوور فلو ہو جاتا ہے جس سے سڑکیں بند ہو جاتی ہیں۔ اس کے علاوہ ملتان کے سیوریج میں پولیو وائرس کی موجودگی کے بعد سیوریج سے انفیکشن کا خطرہ ہے۔اس طرح، شہری سیلاب کے مسئلے کو حل کرنا صحت اور حفظان صحت کے نقطہ نظر سے ایک فوری مسئلہ ہے۔اس مسئلے کو حل کرنے کے لیے، جائیکا نے واسا ملتان کو اس گرانٹ ایڈ پراجیکٹ کے تحت ہائی پریشر کی صفائی کرنے والی گاڑیاں، سلج سکشن گاڑیاں، اور نکاسی آب کے پمپس فراہم کیے جو سیوریج کے پائپوں اور نکاسی آب کے چینلز کی دیکھ بھال اور انتظام کے لیے ضروری ہیں۔

واسا ملتان فراہم کردہ آلات کو سیوریج کے پائپوں اور نکاسی آب کے راستوں کو صاف کرنے کے لیے استعمال کر رہا ہے، جس سے شہر میں سیوریج کے بہاؤ کو روکنے اور صفائی کے ماحول کو بہتر بنانے میں مدد ملتی ہے۔یہ پروجیکٹ SDG گول 6: ''سب کے لیے پانی اور صفائی ستھرائی کی دستیابی اور پائیدار انتظام کو یقینی بنائیں۔'' کو حاصل کرنے میں معاون ثابت ہو گا۔

تقریب سے خطاب کرتے ہوئے جاپانی سفیر نے کہا کہ انھیں امید ہے کہ جاپان کے اس منصوبے کے تحت نصب تمام آلات کو پائیدار طریقے سے استعمال کیا جائے گا اور حاصل کردہ مہارت اور تجربہ ملتان کے لوگوں کو فائدہ دے گا۔جائیکا پاکستان کے چیف نمائندے مسٹر میاتا نے ریمارکس دیے کہ انھیں امید ہے کہ یہ منصوبہ ملتان کے لوگوں کے لیے زندگی کے ماحول کو بہتر بنائے گا۔اس گرانٹ ایڈ پراجیکٹ کے ذریعے حکومت جاپان اور جائیکا پاکستان میں شہری صفائی کے ماحول کو بہتر بنانے کے لیے کوششیں جاری رکھیں گے۔