ّپرانی مچھلی منڈی کی بیرون شہر منتقلی کا معاملہ : ضلعی انتظامیہ سمیت دیگر سے رپورٹ طلب

ؒلاہور (آن لائن) لاہور ہائیکورٹ میں بھاٹی چوک سے پرانی مچھلی منڈی کی بیرون شہر منتقلی کا معاملہ پر ضلعی انتظامیہ سمیت دیگر سے رپورٹ طلب کرلی جسٹس شاہد کریم نے شہری علی احمد کی درخواست پر سماعت کی۔ درخواست گزار کا موقف تھا کہ دریائے راوی کے سیلاب والے علاقے میں مچھلی منڈی منتقلی کے انتظامات نہیں عدالت نے ریمارکس دیے کہ سارا روڈا ہی سیلابی علاقے میں بنایا جارہا ہے، سندھ واٹر ٹریٹی ہی ختم کر دیا گیا ہے انڈیا کا جب جی چاہے پانی چھوڑ کر روڈا اور لاہور کو ڈبو دے، درخواست گزار کا موقف تھا کہ ضلعی انتظامیہ پرانی مچھلی منڈی کو شہر سے باہر منتقل کرنے کا فیصلہ کیا نئی مچھلی منڈی روڈا کے علاقے میں بنانے کا منصوبہ بنایا گیا شہر سے باہر مچھلی منڈی منتقل کرنے سے شہریوں کیلئے مسائل بڑھیں گے وجودہ مچھلی منڈی میں پانی کی نکاسی سمیت دیگر مسائل حل کرنے کی ضرورت ہے۔ ****** 24-04-25/--203

جمعرات 24 اپریل 2025 22:15

ًاینٹی ریپ ایکٹ پر عملدرآمد اور ایکس کی بندش کے خلاف دائر دو مختلف درخواستوں پر سماعت -لاہور (آن لائن) لاہور ہائیکورٹ میں اینٹی ریپ ایکٹ پر عملدرآمد اور ایکس کی بندش کے خلاف دائر دو مختلف درخواستوں پر سماعت، عدالت نے اٹارنی جنرل کے پیش نہ ہونے پر کیسز کی سماعت غیر معینہ مدت تک ملتوی کردی۔

(جاری ہے)

چیف جسٹس لاہورہائیکورٹ جسٹس مس عالیہ نیلم کی سربراہی میں تین رکنی فل بینچ نے اینٹی ریپ ایکٹ پر عمل درآمد کے لیے درخواستوں پر سماعت کی بینچ میں جسٹس فاروق حیدر اور جسٹس علی ضیا باجوہ بھی شامل ہیں دوران سماعت عدالتی حکم پر پراسکیوٹر جنرل پنجاب سید فرہاد علی شاہ سمیت دیگر پولیس حکام عدالت میں پیش ہوئے دوران سماعت ایڈیشنل اٹارنی جنرل نے عدالت کو بتایاکہ اٹارنی جنرل راستے میں تھے، مگر انہیں واپس اسلام آباد جانا پڑا بھارت نے سندھ طاس معاہدہ ختم کرنے کا اعلان ہے تو یہ ایک قانونہ معاملہ بھی ہے اس حوالے نیشنل سیکورٹی کمیٹی کی میٹنگ ہونی ہے جس میں اٹارنی جنرل شرکت کریں گے لہذا عدالت اس کیس کی سماعت ملتوی کردے عدالت نے ایڈیشنل اٹارنی جنرل کی استدعا منظور کرتے ہوئے کاروائی ملتوی کردی۔