Live Updates

وزارت صحت کا حفاظتی ٹیکہ جات کی کوریج بڑھانے کیلئے اقدامات

پاکستان میں ہر سال تقریباً 70 لاکھ بچوں کو معمول کے حفاظتی ٹیکوں کی سہولت فراہم کی جاتی ہے،سید مصطفی کمال

جمعہ 25 اپریل 2025 11:55

اسلام آباد(اُردو پوائنٹ اخبارتازہ ترین - این این آئی۔ 25 اپریل2025ء)وفاقی وزیر صحت سید مصطفی کمال نے کہا ہے کہ عالمی ہفتہ برائے ٹیکہ جات صحت مند پاکستان کی بنیاد پیدا کرتا ہے جس کا مقصد بچوں کو بیماریوں سے محفوظ رکھنا ہے۔ایک بیان میں وفاقی وزیر صحت مصطفی کمال نے کہاکہ ہم حفاظتی ٹیکہ جات کی کوریج بڑھانے کیلئے ہر بچے تک زندگی بچانے والی ویکسین کی بروقت فراہمی کیلئے ہر ممکن اقدامات کر رہے ہیں۔

(جاری ہے)

انہوں نے کہا کہ پاکستان میں ہر سال تقریباً70 لاکھ بچوں کو معمول کے حفاظتی ٹیکوں کی سہولت فراہم کی جاتی ہے، پولیو مہمات کے ذریعے ہم4 کروڑ50 لاکھ سے زائد بچوں تک رسائی حاصل کرتے ہیں اور پاکستان اب بھی ان چند ممالک میں شامل ہے جہاں پولیو کا وائرس موجود ہے۔انہوں نے کہاکہ وزیر اعظم پاکستان کی قیادت میں ہم پولیو کے مکمل خاتمے کیلئے پرعزم ہیں،ملک بھر سے پولیو کے خاتمے اور بچوں کو مستقل معزوری سے بچانے کیلئے میں تمام ممکنہ اقدامات جاری رکھے ہوئے ہیں۔مصطفی کمال نے علمائے کرام، میڈیا، اور سول سوسائٹی سے اپیل کی کہ پولیو کے خاتمے کیلئے کلیدی کردار ادا کریں، بچوں کا محفوظ مستقبل ہم سب کی مشترکہ ذمہ داری ہے۔