روانگی سے قبل لازمی ویکسین لگانی ضروری،عازمین حج کے لیے وزارت مذہبی امور نے ضروری ہدایات جاری کر دیں

ہفتہ 26 اپریل 2025 16:25

اسلام آباد (اُردو پوائنٹ اخبارتازہ ترین - این این آئی۔ 26 اپریل2025ء)عازمین حج کے لیے وزارت مذہبی امور نے ضروری ہدایات جاری کر دیں جس کے مطابق سعودی عرب روانگی سے قبل لازمی ویکسین لگانی ضروری ہیں۔وزارت مذہبی امور کے مطابق گردن توڑ بخار، فلو اور پولیو کی ویکسین نزدیکی حاجی کیمپ سے مفت لگوائیں۔

(جاری ہے)

وزارت مذہبی امور نے بتایاکہ ویکسینیشن کے بعد حاجی کیمپ سے پیلا کارڈ لازمی حاصل کریں۔

وزارت مذہبی امور کے مطابق ویکسینیشن سرٹیفکیٹ کے بغیر سعودی عرب میں داخلہ ممکن نہیں۔وزارت مذہبی امور کے مطابق 65 سال سے زائد عمر کے عازمین اپنا پرانا کرونا ویکسین کارڈ لازمی ہمراہ رکھیں۔وزارت مذہبی امور کے مطابق کارڈ نہ ہونے کی صورت میں صرف 65 سال سے زائد العمر عازمین نزدیکی حاجی کیمپ سے کرونا ویکسین لگوا کر کارڈ حاصل کریں۔