سوات،مینگورہ اور گردونواح میں زلزلے کے جھٹکے

زلزلے کے باعث لوگ خوفزدہ ہوکر گھروں سے باہر نکل آئے ، کلمہ طیبہ کا ورد کرتے رہے

ہفتہ 26 اپریل 2025 17:20

سوات (اُردو پوائنٹ اخبارتازہ ترین - این این آئی۔ 26 اپریل2025ء)خیبرپختونخوا کے ضلع سوات کے شہر مینگورہ اور گردونواح میں زلزلے کے جھٹکے محسوس کیے گئے ہیں جس سے عوام خوفزدہ ہوکر گھروں سے باہر نکل آئی۔میڈیارپورٹ کے مطابق مینگورہ اور اطراف میں زلزلے کے جھٹکے محسوس کیے گئے ہیں جس کی شدت ریکٹر اسکیل پر 5 ریکارڈ کی گئی۔

(جاری ہے)

زلزلے کے باعث لوگ خوفزدہ ہوکر گھروں سے باہر نکل آئے اور کلمہ طیبہ کا ورد کرتے رہے۔

زلزلہ کوہ پیما مرکز کے مطابق زلزلے کی زیرزمین گہرائی 130 کلومیٹر تھی ، زلزلے کا مرکز کوہ ہندوکش افغانستان تھا۔اس سے قبل، بلوچستان کے ضلع ڑوب میں بھی زلزلے کے جھٹکے محسوس کیے گئے تھے۔زلزلہ پیما مرکز کے مطابق ژوب میں محسوس کیے گئے زلزلے کی شدت 4 اعشاریہ 9 اور گہرائی 30 کلو میٹر ریکارڈ کی گئی ، زلزلے کا مرکز ژوب سے 70 کلو میٹر جنوب مشرق میں تھا۔