Live Updates

پہلگام فالس فلیگ حملے پر بھارت میں آوازیں اٹھنے لگیں

بھارت سے اٹھنے والی آوازیں نریندر مودی کے جھوٹے الزامات کی واضح دلیل ہیں،ماہرین

پیر 28 اپریل 2025 12:59

پہلگام (اُردو پوائنٹ اخبارتازہ ترین - این این آئی۔ 28 اپریل2025ء)سابق رکن لوک سبھا سمرنجیت سنگھ مان نے بھارتی الزامات پر سوال اٹھادیے ۔غیرملکی خبررساں ادارے کے مطابق سمرنجیت نے کہا کہ بھارت کے پاس پہلگام حملے پر پاکستان کے خلاف الزامات ثابت کرنے کیلیے شواہد نہیں ہیں۔

(جاری ہے)

انہوں نے سوال اٹھایا کہ بھارتی سیکیورٹی اور انٹیلی جنس ایجنسیاں کس طرح حملے کا پتا لگانے میں ناکام رہیں بھارت اتنا معصوم نہیں، اس نے کینیڈا میں 3 سکھوں کو قتل کروایا ہے۔

سمر نجیت سنگھ مان نے مزید کہا کہ بھارت نے امریکا میں گرپتونت سنگھ پنوں کو مارنے کی کوشش کی، بارڈر بند کرنے سے بھارتی پنجاب کی زراعت اور معیشت متاثر ہوگی۔ان کا کہنا تھا کہ بھارتی صدر حکومت کو برطرف کر کے نئے انتخابات کا اور پہلگام حملے کی آزادانہ تحقیقات کا حکم دیں۔دفاعی ماہرین نے کہا کہ بھارت سے اٹھنے والی آوازیں نریندر مودی کے جھوٹے الزامات کی واضح دلیل ہیں۔