Live Updates

عازمین حج کو حجاز مقدس کا سفر مبارک ہو،خواجہ سلمان رفیق کا عازمین حج کے اعزاز میں تقریب سے خطاب

منگل 29 اپریل 2025 14:14

لاہور (اُردو پوائنٹ اخبارتازہ ترین - اے پی پی۔ 29 اپریل2025ء) صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے علامہ اقبال انٹرنیشنل ایئرپورٹ لاہور پر عازمین حج کے اعزاز میں منعقدہ تقریب میں بطور مہمان خصوصی شرکت کی۔اس موقع پر چیف آپریٹنگ آفیسر پاکستان ایئر پورٹس اتھارٹی چوہدری نواز، ڈی جی اینٹی نارکوٹکس بریگیڈیئر چوہدری سکندر حیات، ڈائریکٹر حج سینٹرل پنجاب محمد رضوان شریف، کسٹم حکام، ایف آئی اے حکام و دیگر متعلقہ محکمہ جات کے افسران موجود تھے۔

(جاری ہے)

اس موقع پر صوبائی وزیر صحت خواجہ سلمان رفیق نے عازمین حج کو پھولوں کے ہار پہنائے اور کیک بھی کاٹا۔صوبائی وزیر صحت خواجہ سلمان رفیق نے تقریب کے شرکاسے اپنے خطاب میں کہا کہ عازمین حج کو حجاز مقدس کا متبرک سفر مبارک ہو۔ اللہ تعالی نے عازمین حج کو مدینہ منورہ کا پاک سفر نصیب کیا ہے۔خواجہ سلمان رفیق نے کہاکہ یہ عازمین حج کی لاہور سے پہلی فلائٹ ہے۔ مدینہ کے سفر کا ہر مسلمان خواہش مند ہوتا ہے۔ عازمین حج روضہ رسول صلی اللہ علیہ وآلہ وسلم پر اہل وطن کو اپنی دعاو ں میں ضرور یاد رکھیں۔