کراچی، تیز رفتار پولیس موبائل ایمبولینس سے جا ٹکرائی ، ڈرائیور شدید زخمی

حادثہ رات چار بجے پورٹ قاسم چھیپا سینٹر پر پیش آیا تھا اور حادثے کے نتیجے میں ایمبولینس کا اگلا حصہ تباہ ہوا

منگل 29 اپریل 2025 19:12

کراچی (اُردو پوائنٹ اخبارتازہ ترین - این این آئی۔ 29 اپریل2025ء) چھیپا پورٹ قاسم سینٹر پر تیزرفتار پولیس موبائل کی ایمبولینس کو ٹکر کے نتیجے میں ایمبولینس کے اندر سویا ڈرائیور شدید زخمی ہوگیاجبکہ ایمبولینس کا اگلا حصہ تباہ ہوگیا۔تفصیلات کے مطابق کراچی میں چھیپا پورٹ قاسم سینٹر پر تیزرفتار پولیس موبائل ایمبولینس سے جا ٹکرائی، جس کے نتیجے میں کھڑی ایمبولینس کے اندر سوتا ہوا ڈرائیور شدید زخمی ہوگیا۔

ریسکیو ذرائع نے بتایا کہ حادثہ رات چار بجے پورٹ قاسم چھیپا سینٹر پر پیش آیا تھا اور حادثے کے نتیجے میں ایمبولینس کا اگلا حصہ تباہ ہوا۔

(جاری ہے)

ذرائع کے کا کہنا تھا کہ پولیس اہلکاروں کی جانب سے رضاکاروں کو اطلاع دینے سے روکا گیا، موبائل ڈرائیور سمیت دیگر پولیس اہلکار مبینہ طور پر نشے میں تھے، حادثے کے نتیجے میں 3 پولیس اہلکار ایک سادہ لباس بھی زخمی ہوا۔

ذرائع نے کہا کہ کہ حادثے میں پولیس موبائل کو بھی نقصان پہنچا، پولیس موبائل پر کسی یونٹ یا تھانے کا نام نہیں لکھا تھا۔ریسکیو ذرائع کا مزید کہنا تھا کہ تمام زخمیوں کو فوری طور پرالخدمت اسپتال گلشن حدید منتقل کیا گیا، حادثے کے ذمہ دار پولیس اہلکار کون تھے تاحال پتہ نا لگ سکا، جبکہ پولیس اہلکاروں نے اپنا میڈیکل بھی نا ہونے دیا ۔