صوبے کے بیشتر اضلاع میں موسم گرم خشک اور جزوی طور پر ابر آلود رہنے کا امکان ہے، موسمیاتی مرکزبلوچستان

منگل 29 اپریل 2025 23:41

کوئٹہ (اُردو پوائنٹ اخبارتازہ ترین - اے پی پی۔ 29 اپریل2025ء) علاقائی موسمیاتی مرکز بلوچستان کے مطابق منگل اور بدھ کو صوبے کے بیشتر اضلاع میں موسم گرم ،خشک اور جزوی طور پر ابر آلود رہنے کا امکان ہے۔

(جاری ہے)

ضلع سبی، کچھی، صحبت پور، لہڑی، نصیر آباد، جھل مگسی، تربت، آواران، لسبیلہ، واشک، خاران اور چاغی سمیت میدانی اور زیریں علاقوں میں دن کے وقت درجہ حرارت معمول سے زیادہ رہے گا۔ اس کے علاوہ حب اور گوادر اضلاع کے ملحقہ علاقوں سمیت ساحلی علاقوں میں موسم انتہائی گرم اور مرطوب رہنے کا امکان ہے۔ تاہم زیارت، لورالائی، شیرانی اور اس کے گرد و نواح میں گرج چمک کے ساتھ بارش ہوسکتی ہے۔ گزشتہ 24 گھنٹوں کے دوران سب سے زیادہ درجہ حرارت سبی میں 46 ڈگری سینٹی گریڈ ریکارڈ کیا گیا۔