ڈی آئی جی ویسٹ عرفان بلوچ کا نادرن بائی پاس مویشی دوست منڈی کا دورہ ،سیکورٹی انتظامات کا جائزہ لیا

کراچی(اُردو پوائنٹ اخبارتازہ ترین - این این آئی۔ 29 اپریل2025ء)ڈی آئی جی ویسٹ عرفان بلوچ نے ایس ایس پی ویسٹ طارق مستوئی اور دیگر قانون نافذ کرنے والے اداروں کے ہمراہ مویشی منڈی نادرن بائی پاس کا دورہ کیا اور سیکورٹی انتظامات کا جائزہ لیا،ڈی آئی جی ویسٹ عرفان بلوچ نے میڈیا سے گفتگو کرتے ہوئے کہا کہ ہماری کوشش ہے کہ مویشی منڈی آنے والے راستوں پر ایک بھی واردات نہ ہو آج نادرن بائی پاس پر لگنے والی مویشی منڈی کو تیسرا سال ہے پچھلے سال بھی پولیس نے احسن اقدام کیے ایک بھی واردات نہیں ہوئی، ایک ہزارسے زائد پولیس اہلکار اور پولیس کمانڈوز مویشی منڈی کے راستوں پر تعینات کیے جائیں گے،عرفان بلوچ کا کہنا تھا کہ ایڈمنسٹریشن مویشی منڈی کے ساتھ مسلسل رابطے میں ہیں،گلشن معمار،نادرن بائی پاس سمیت تمام راستوں پر سیکورٹی تعینات ہوگی ہم نے کنٹرول روم قائم کردیا ہے،رینجرز بھی پولیس کے ساتھ سیکورٹی کے فرایض سرانجام دے گی،سی ٹی ڈی اور اسپیشل برانچ کے اہلکار بھی سیکورٹی پر تعینات ہوں گے،نادرن بائی پاس کو لگنے والے اضلاع کو بھی سیکورٹی سسٹم میں شامل کریں گے،ایڈمنسٹریٹر شہاب علی نے اپنے خطاب میں کہا کہ سندھ میں راستے بند ہونے کی وجہ سے بیوپاریوں کے جانور راستوں میں پھنسے ہوئے ہیں جو کراچی نادرن بائی پاس مویشی منڈی آنا چاہتے ہیں،کراچی آنے والے سندھ کے راستے بند ہیں،قاضی احمد کا نیشنل ہائی وے راستہ بند ہے ، ببرلو دھرنے والوں نے آج شام چھ بجے تک ٹائم دیا تھا اگر معاملات طے پاگئے تو دھرنے والے اٹھ جائیں گے بڑی تعداد میں قربانی کے جانوروں سے لدے ٹرک دھرنے کی وجہ رکے ہوئے ہیں، آنے والا جمعہ مویشی منڈی نادرن بائی پاس اپنے جوبن پر ہوگی،ایڈمنسٹریٹر شہاب علی نے مزید کہا کہ میں خود بیورپاریوں کی داد رسی کے سکھر،پنوعاقل،گھوٹکی گیا کئی روز میں خود پریشان حال بیوپاریوں کے پاس کھڑارہا،جانوروں اور انسانوں کے لیے پانی اور کھانا فراہم کیا، دھرنے میں پھنسے ٹرکوں سے جانور اتار کر انہیں وہاں جگہیں فراہم کیں، رحیم یار خان تک بیوپاریوں کی داد رسی کی ہے، کٹو مال کے بیوپاری اپنا جانور واپس اپنے گھر لے گئے ہماری کوشش ہے کہ نادرن بائی پاس مویشی منڈی مطلوبہ ہدف کو پورا کریں اس موقع ایس ایس پی ویسٹ طارق مستوئی دیگر قانون نافذ کرنے والے اداروں کے اہلکار اور مویشی منڈی نادرن بائی پاس کی ترجمان ام آئمن بھی موجود تھیں۔