ڑ*محکمہ موسمیات نے شدید گرمی سے پریشان حال عوام کو بارشوں کی نوید سنا دی

ط*آج سے 4مئی تک پنجاب سمیت ملک بھر میںآندھی، گرج چمک کے ساتھ بارش کا امکان

بدھ 30 اپریل 2025 20:05

۵ اسلام آباد(اُردو پوائنٹ اخبارتازہ ترین - آن لائن۔ 30 اپریل2025ء)محکمہ موسمیات نے شدید گرمی سے پریشان حال عوام کو بارشوں کی نوید سنا دی،آج سے 4مئی تک پنجاب سمیت ملک بھر میںآندھی، گرج چمک کے ساتھ بارش کا امکان ظاہر کیا گیا ہے۔ محکمہ موسمیات کاکہنا ہے مغربی ہواوں کا ایک سلسلہ آج سے ملک میں داخل ہوگا،یکم مئی سے شمال مشرقی پنجاب میں مرطوب ہوائیں بھی داخل ہو سکتی ہیں، آج شام یا رات سے 4 مئی تک کشمیر، اسلام آباد،راولپنڈی، مری، گلیات، اٹک، چکوال، جہلم، میں آندھی گرج چمک کے ساتھ بارش کی توقع ہے ،منڈی بہاؤالدین، گجرات، گوجرانوالہ، حافظ آباد، سیالکوٹ، نارووال، میں آندھی گرج چمک کے ساتھ بارش کی توقع ہے۔

رپورٹ کے مطابق لاہور، ساہیوال، قصور، اوکاڑہ، فیصل آباد، ٹوبہ ٹیک سنگھ، میں آندھی گرج چمک کے ساتھ بارش کی توقع ہے ،جھنگ، خوشاب، سرگودھا، میانوالی،میں آندھی گرج چمک کے ساتھ بارش کا امکان ہے۔

(جاری ہے)

ادھرخیبرپختونخوا کے اضلاع چترال، دیر، سوات، ایبٹ آباد، مانسہرہ، ہری پور، کوہستان، شانگلہ میں آندھی ،گرج چمک کے ساتھ بارش ہو سکتی ہے،بونیر، ملاکنڈ، وزیرستان، کوہاٹ، لکی مروت، باجوڑ، مہمند، کرک،خیبر، پشاور، مردان، کرم، گلگت بلتستان میں آندھی اور گرج چمک کے ساتھ بارش کی توقع ہے ،کہیں کہیں ژالہ باری اور موسلا دھار بارش کا امکان ہے۔

رپورٹ کے مطابق 2 مئی رات سے 5 مئی کے دوران ملتان، ڈیرہ غازی خان، بہاولپور، بہاولنگر، میں گرد آلود آندھی اور گرج چمک کے ساتھ بارش کا امکان ہے۔ ادھر سندھ کے اضلاع سکھر، میرپورخاص، خیرپور، تھرپارکر، سانگھڑ، عمرکوٹ میں گرد آلود آندھی اور گرج چمک کے ساتھ بارش کا امکان ہے۔ اسی طرح بلوچستان کے اضلاع ژوب، خضدار، موسیٰ خیل اور بارکھان میں گرد آلود آندھی اور گرج چمک کے ساتھ بارش کا امکان ہے،گرج چمک، آندھی اورژالہ باری سے بجلی کے کھمبوں، درختوں، گاڑیوں اور سولر پینلز وغیرہ کو نقصان پہنچ سکتا ہے۔

کسانوں کو مشورہ دیا جاتا ہے کہ وہ گندم کی کٹائی سمیت زرعی سرگرمیاں موسم کی صورتحال کو مدنظر رکھتے ہوئے ترتیب دیں،ملک کے بیشتر حصوں میں یکم مئی سے ہیٹ ویو کی شدت میں کمی کا امکان ہے۔