آرمی چیف اعلان کریں پوری قوم بھارت کی اینٹ سے اینٹ بجانے کے لیے تیار ہے،بلال سلیم قادری

جمعہ 2 مئی 2025 19:55

کراچی (اُردو پوائنٹ اخبارتازہ ترین - این این آئی۔ 02 مئی2025ء)پاکستان سنی تحریک کے مرکزی سیکرٹری جنرل علامہ بلال سلیم قادری شامی نے بھارت کی جانب سے دی جانے والی دھمکیوں کے جواب میں کہا کہ پاکستان نے تو ابھی بھارت کو فضائی حدود میں داخل ہونے سے روکا ہے۔بھارتی حکومت اگر زیادہ چھلانگیں لگائے گی تو اس کی حدود میں گھس کر پاکستانی قوم اسے جواب دے گی۔

بھارتی حکومت یہ اچھی طریقے سے جان لے اگر پاکستانی آرمی چیف نے جنگ کا اعلان کر دیا تو بھارتی افواج اور بھارتی حکمرانوں کو کہیں چھپنے کی جگہ نہیں ملے گی۔پوری پاکستانی قوم بھارت کی اینٹ سے اینٹ بجانے کے لیے تیار ہے۔پہلگام واقعے کا پاکستان پر الزام لگا کر بھارت اچھی طرح سے جان گیا ہے کہ یہ اب اس کی آخری غلطی ہے۔بھارت نے اگر اب کوئی غلط حرکت کی تو پھر اس کو اس کی ہی زبان میں جواب دیا جائے گا۔

(جاری ہے)

بلال سلیم قادری کا مزید کہنا تھا کہ مسلمان ہمیشہ سر پر کفن باندھ باندھ کر کفار سے لڑتا ہے۔تاریخ شاہد ہے کہ مسلمان نے کبھی بھی اپنی جان کی پرواہ نہیں کی کیونکہ ہر مسلمان کی دلی خواہش ہوتی ہے کہ وہ بھی شہادت کا مرتبہ حاصل کریں مسلمان کے لیے شہادت ایک اعزاز ہے۔کفار یہ بات ہمیشہ سے جانتے ہیں کہ مسلمانوں سے لڑنے کے لیے جذبہ اور حوصلہ چاہیے اور یہ دونوں چیز ان کے پاس نہیں ہے۔

پاکستانی قوم اپنی بقا اور سلامتی کے لیے کسی طرح کی قربانی سے دریغ نہیں کرے گی۔پوری قوم اپنے سیکیورٹی اداروں کے شانہ بشانہ کھڑی ہے۔پاکستان دنیا کے امن کو خراب نہیں کرنا چاہتا یہ سب کچھ بھارتی اوچھے ہتھکنڈے ہیں۔بھارت یہ بات اچھی طرح ذہن نشین کر لے جس دن 25 کروڑ پاکستانی اس کی طرف قدم بڑھائیں گے تو وہ قدم بھارت کو نیست و نابود کیے بغیر واپس نہیں پلٹیں گے۔پاکستان پر الزام لگانے کے بعد بھارت کی آواز آہستہ آہستہ بند ہو رہی ہے۔بھارت نے ابھی تصویر کا ایک رخ دیکھا ہے جس دن پاکستان نے اسے دوسرا رخ دکھایا تو وہ دم دبا کر بھاگ جائے گا۔