Live Updates

وفاقی حکومت عوام کی فلاح و بہبود کے لیے موثر اقدامات کر رہی ہے، مسلم لیگ ن عوام کی خدمت پر یقین رکھتی ہے ، میاں ریاض حسین پیرزادہ

ہفتہ 3 مئی 2025 14:42

اسلام آباد (اُردو پوائنٹ اخبارتازہ ترین - اے پی پی۔ 03 مئی2025ء) وفاقی وزیر ہاؤسنگ اینڈ ورکس میاں ریاض حسین پیرزادہ نے کہا ہے کہ وفاقی حکومت عوام کی فلاح و بہبود کے لیے موثر اقدامات کر رہی ہے، مسلم لیگ (ن) عوام کی خدمت پر یقین رکھتی ہے اور ہمیشہ ملک کی بہتری کے لیے کام کیا ہے۔وزارت ہاؤسنگ اینڈ ورکس کی جانب سے ہفتہ کو یہاں جاری پریس ریلیز کے مطابق وفاقی وزیر نے ان خیالات کا اظہار بہاولپور میں ای۔

خدمت مرکز کے دورہ کے موقع پر کیا۔ انہوں نے ای ۔خدمت مرکز میں جاری کام اور عملہ کی صلاحیت کو سراہتے ہوئے کہا کہ مجھے ای ۔خدمت مرکز آ کر بڑی خوشی ہو رہی ہے ، مرکز میں کام بڑی محنت اور لگن سے ہو رہا ہے۔ وفاقی وزیر میاں ریاض حسین پیرزادہ نے کہا کہ وفاقی حکومت عوام کی فلاح و بہبود کے لیے موثر اقدامات کر رہی ہے،مسلم لیگ ن عوام کی خدمت پر یقین رکھتی ہے اور ہمیشہ ملک کی بہتری کے لیے کام کیا ہے۔

(جاری ہے)

انہوں نے کہا کہ وزیراعظم محمد شہباز شریف کی دانشمندانہ قیادت میں ملکی معیشت درست سمت میں گامزن ہے۔ ریاض حسین پیرزادہ نے کہا کہ ای۔ خدمت مرکز عوام کو ایک چھت تلے 160 سے زائد خدمات فراہم کر رہا ہے، مرکز خطے کے لوگوں کے لیے بڑا ریلیف ہے، عوام کو فوری سہولیات کی فراہمی کے لیے پنجاب بھر میں ایسے مراکز کا قیام قابل ستائش ہے۔وفاقی وزیر نے کہا کہ وزیر اعلی پنجاب نے جنوبی پنجاب کی ترقی کے لیے مثالی اقدامات کیے ہیں۔ ریاض حسین پیرزادہ نے کہا کہ پوری قوم متحد ہے اور پاک فوج کے ساتھ کھڑی ہے، ہماری مسلح افواج بھارت کی جارحیت اور مہم جوئی کا منہ توڑ جواب دیں گی۔