Live Updates

مودی نے پہلگام فالس فلیگ کا ڈراما بِہار الیکشن کیلیے رچایا؛ بھارتی میڈیا کی شہ سرخیاں

مودی پہلگام واقعے کو سیاسی پوائنٹ اسکورنگ کے لیے استعمال کررہے ہیں، سیاسی تجزیہ کار

ہفتہ 3 مئی 2025 17:06

مودی نے پہلگام فالس فلیگ کا ڈراما بِہار الیکشن کیلیے رچایا؛ بھارتی ..

نئی دہلی (اُردو پوائنٹ اخبارتازہ ترین - این این آئی۔ 03 مئی2025ء)پہلگام فالس فلیگ کے فورا بعد مودی کی بہار الیکشن کے لیے اچانک سرگرمیاں بھارتی میڈیا کی شہ سرخیوں میں شامل ہو گئیں، جس سے مودی سرکار کا پورا ڈراما بے نقاب ہوگیا۔بھارتی ٹی وی کے مطابق بہار انتخابات جیتنے کے لیے مودی کا پہلگام ڈراما بے نقاب ہو چکا ہے۔ ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی نے بہارانتخابات جیتنے کے لیے پہلگام فالس فلیگ کا ڈراما رچایا، جسے خود بھارتی ذرائع ابلاغ پر بھی بہار انتخابات ہی سے جوڑا جا رہا ہے۔

بھارت کی اپوزیشن جماعت کانگریس، آر جے ڈی نے مودی کے بہار دورے پر تنقید کی ہے۔ اسی طرح اے این آئی نے رپورٹ کیا ہے کہ آر جے ڈی نے پٹنہ میں مودی اور وزیر اعلی نتیش کمار کیخلاف بینرز لگا دیے ہیں۔

(جاری ہے)

آر جے ڈی نے مودی کی جانب سے بہار میں پہلگام حملے کے بعد ریلی پر شدید تنقید کی ہے۔ دریں اثنا سینئر بھارتی صحافی نے سوال اٹھایا ہے کہ پہلگام واقعے کے 45 گھنٹے کے بعد آپ ووٹ مانگنے پہنچ گئے۔

اسی طرح سوشل میڈیا پر بھی مودی کی سیاسی سرگرمیاں زیر گردش ہیں، جن میں کہا جا رہا ہے کہ راہول گاندھی پہلگام میں متاثرہ خاندانوں سے ملیں گے جب کہ مودی انتخابات میں مصروف ہیں۔سیاسی تجزیہ کاروں کا کہنا تھا کہ بھارت میں یہ رائے زور پکڑتی جا رہی ہے کہ مودی کا پہلگام ڈراما بہار انتخابات جیتنے کے لیے تھا۔ مودی کے بیانات اس بات کو ظاہر کرتے ہیں کہ وہ پہلگام حملے کو سیاسی پوائنٹ اسکورنگ کے لیے استعمال کر رہا ہے اور شواہد سے یہ ثابت ہو چکا کہ پہلگام حملہ پہلے سے طے شدہ تھا۔