Live Updates

پاکستانی باکسر نے شکست دینے کے بعد بھارتی باکسر کو ’خاص تحفہ‘ دیکر محبت کی مثال قائم کردی

پاکستانی باکسر شاہر آفریدی کی ایک ایسی ویڈیو وائرل ہورہی ہے جسے سننے کے بعد ہر پاکستانی کا سر فخر سے بلند ہوجائے گا

ذیشان مہتاب اتوار 4 مئی 2025 14:32

پاکستانی باکسر نے شکست دینے کے بعد بھارتی باکسر کو ’خاص تحفہ‘ دیکر ..

بنکاک (اردو پوائنٹ تازہ ترین اخبار ۔ 4 مئی 2025ء ) پاکستانی باکسر شہیر آفریدی نے تھائی لینڈ میں بھارتی سکھ باکسر کو شکست دیکر سکھوں کے روحانی پیشوا گرو نانک کے آبائی علاقے کرتار پور کی مٹی کا تحفہ دے کر محبت کی نئی مثال قائم کر دی۔

ایک طرف بھارت کی جانب سے مقبوضہ کشمیر کے علاقے پہلگام میں فالس فلیگ آپریشن کو بہانہ بنا کر پاکستان کے خلاف جنگی اقدامات کیے جا رہے ہیں تو دوسری جانب پاکستان کی جانب سے بھارتی جارحیت کے باوجود امن اور محبت کی باتیں کی جا رہی ہیں۔

(جاری ہے)

تھائی لینڈ میں ہونے والے مقابلے کے بعد پاکستانی باکسر شہیر آفریدی کی ایک ویڈیو وائرل ہو رہی ہے جسے سننے کے بعد ہر پاکستانی کا سر فخر سے بلند ہو جائے گا۔

پاکستانی ہیرو باکسر شہیر آفریدی نے فائٹ جیتنے کے بعد اپنے مدمقابل بھارتی سکھ حریف کو گرو نانک بابا کی زمین کرتار پور کی مٹی کا تحفہ دیا، اس کے ساتھ یہ پیغام بھی دیا کہ پاکستانی عزت اور محبت کے ساتھ جینا چاہتے ہیں۔

ویڈیو میں سکھ باکسر کو کرتار پور کی زمین کی مٹی کا تحفہ حاصل کرکے خوش ہوتے اور اسے چومتے دیکھا جا سکتا ہے۔