Live Updates

صائم ایوب کو فوراً پی ایس ایل کھلانا غلطی تھی، بائولنگ کوچ پشاور زلمی مشتاق احمد

جب آپ انجری سے واپس لوٹتے ہیں تو صرف نیٹ سیشنز ہی کافی نہیں ہوتے، فارم اور ردھم کو چیک کرنے کیلئے میچ پریکٹس کی ضرورت ہوتی ہے : انٹرویو

ذیشان مہتاب اتوار 4 مئی 2025 14:26

صائم ایوب کو فوراً پی ایس ایل کھلانا غلطی تھی، بائولنگ کوچ پشاور زلمی ..

لاہور (اردو پوائنٹ تازہ ترین اخبار ۔ 4 مئی 2025ء ) پاکستان سپر لیگ (پی ایس ایل) کی سابق چیمپئن ٹیم پشاور زلمی کے بالنگ کوچ نے اوپنر صائم ایوب کی ناکامیوں پر کب کشائی کردی۔

پشاور زلمی کے بالنگ کوچ مشتاق احمد کا کہنا تھا کہ صائم ایوب کو انجری کے بعد براہ راست پاکستان سپر لیگ (پی ایس ایل) 2025ء میں کھلانا پڑی غلطی تھی۔

انہوں نے کہا کہ جب آپ انجری سے واپس لوٹتے ہیں تو صرف نیٹ سیشنز ہی کافی نہیں ہوتے، فارم اور ردھم کو چیک کرنے کیلئے میچ پریکٹس کی ضرورت ہوتی ہے۔

(جاری ہے)

مشتاق احمد نے کہا کہ ٹورنامنٹ سے قبل صائم ایوب کو کچھ کلب میچز کھیلنا چاہیے تھے یا ہم ان کیلئے پریکٹس کا اہتمام کرتے تاکہ وہ اپنا کویا ہوا ردھم حاصل کرسکیں لیکن ایسا نہیں ہوا۔

دورہ جنوبی افریقہ میں انجرڈ ہونے والے صائم نے پی ایس ایل 10 میں واپسی پر اپنے پہلے میچ میں ففٹی بنائی مگر اس کے بعد سے بیٹ خاموش ہے، گزشتہ میچ میں اسلام آباد کے خلاف بھی وہ صرف ایک رن بناکر آؤٹ ہوگئے تھے۔

واضح رہے کہ دورہ جنوبی افریقا میں ٹخنے کی انجری کا شکار ہونیوالے صائم ایوب آئی سی سی چیمپئنز ٹرافی 2025ء اور دورہ نیوزی لینڈ میں اسکواڈ کا حصہ نہیں بن سکے تھے۔