Live Updates

بنگلہ دیش میں بہار کے انتخابات آ رہے ہیں اس لیے حقیقت کی پردہ پوشی کی جا رہی ہے، بھارتی ہندو خاتون میناکشی بالی

پیر 5 مئی 2025 21:48

نئی دہلی (اُردو پوائنٹ اخبارتازہ ترین - آن لائن۔ 05 مئی2025ء) بھارتی ہندوؤں نے مودی کے فالس فلیگ کا پردہ چاک کر دیا۔ دنیا بھر سمیت بھارت سے بھی مودی کے فالس فلیگ کے خلاف آوازیں اٹھنے کا سلسلہ جاری ہے۔ میڈیا رپورٹ کے مطابق بھارتی ہندوؤں نے مودی کے جھوٹے ڈرامے کو مسترد کرتے ہوئے حقیقت سے پردہ اٹھا دیا۔ بھارتی ہندو خاتون میناکشی بالی نے پہلگام حملے کو مودی حکومت کا ایک منصوبہ بند فالس فلیگ آپریشن قرار دیتے ہوے کہا ہے کہ پہلگام فالس فلیگ کا مقصد عوام کی توجہ اصل مسائل سے ہٹانا تھا۔

اب دیش میں بہار کے انتخابات آ رہے ہیں اس لیے کشمیر میں حملہ کر کے اصل حقیقت کی پردہ پوشی کی جا رہی ہے۔ مینا کشی بالی کا کہنا تھا مودی تو بولتا تھا کہ ہماری فوج اتنی طاقتور ہے کہ کوئی پرندہ بھی پر نہیں مار سکتا، پھر یہ دہشت گرد کیسے آ گئی ۔

(جاری ہے)

ہندوؤں کو مار کر مسلمانوں کو ذمہ دار ٹھہرا کر مودی اس سازش سے پیچھے نہیں ہٹ سکتا۔ خاتون کا کہنا تھا وقف قانون بھی صرف مسلمانوں کی جائیداد ہڑپنے کے لیے ہے۔

بھارتی مسلمانوں کو دیوار کے ساتھ لگایا جا رہا ہے۔ مسلمانوں کے خلاف امتیازی قوانین بنا کر ہندو ووٹ بینک مضبوط کیا جا رہا ہے۔ خاتون کا مزید کہنا تھا مسلمانوں کے کندھوں پر بندوق رکھ کر مودی ہندوؤں کو مسلمانوں کے خلاف اکسا رہا ہے۔ مودی تو اڈانی اور امبانی کے غلام ہیں، ایئرپورٹ بیچ دیا، تیل بیچ دیا، اس ملک کی ہر چیز بیچ دی، ہندو خاتون کا کہنا تھا اگر ہم خاموش رہے تو یہ ظلم دلتوں، اقلیتوں اور دیگر کمزور طبقوں تک پھیل جائے گا۔

ماہرین کا کہنا ہے کہ بھارت کی عوام کو بھی سمجھ ہے کہ حملہ بہار انتخابات سے قبل کیا گیا تاکہ کشمیر میں کشیدگی بڑھا کر سیاسی فائدہ حاصل کیا جا سکے۔ اگر بھارتی فوج واقعی باصلاحیت ہے تو دہشت گرد اتنی گہرائی تک حملہ کیسے کر سکتے ہیں یہ سیکیورٹی کی بڑی ناکامی ہے، ماہرین کا مزید کہنا ہے کہا مودی سرکار ہندوؤں کو قتل کروا کر مسلمانوں پر غداری کا الزام لگاتی ہے تاکہ عوام میں نفرت پھیلا کر ووٹ حاصل کیے جا سکیں۔ بھارت میں اب دیگر اقلیتوں کو بھی نشانہ بنانے کی تیاری ہو رہی ہے اور یہ صرف مسلمانوں تک محدود نہیں رہے گا۔