کپواڑہ میں سڑک کے ایک حادثے میں دو بھارتی فوجی ہلاک ، دو زخمی ہوگئے

منگل 6 مئی 2025 22:10

سرینگر (اُردو پوائنٹ اخبارتازہ ترین - اے پی پی۔ 06 مئی2025ء) غیرقانونی طورپر بھارت کے زیر قبضہ جموں وکشمیرکے ضلع کپواڑہ میں سڑک کے ایک حادثے میں دو بھارتی فوجی ہلاک اوردو زخمی ہوگئے۔

(جاری ہے)

کشمیرمیڈیاسروس کے مطابق حادثہ کنٹرول لائن کے نزدیک کرناہ کے علاقے ٹیٹوال میں پیش آیا جب فوجی گاڑی سڑک سے پھسل کر ایک گہری کھائی میں جاری گری ۔حادثے کے نتیجے میں دوفوجی موقع پر ہی ہلاک اوردو دیگر زخمی ہوگئے ۔زخمیوں کو فوجی ہسپتال منتقل کیاگیا ہے۔