بھارت نے بزدلانہ حملے کے دوران نیلم جہلم ہائیڈرو پروجیکٹ پرگولہ باری کی، سکیورٹی ذرائع

بدھ 7 مئی 2025 16:04

راولپنڈی (اُردو پوائنٹ اخبارتازہ ترین - اے پی پی۔ 07 مئی2025ء) بھارت نے بزدلانہ حملے کے دوران پاکستان کے آبی ذخائر کے خلاف بدترین جارحیت کا مظاہرہ کرتے ہوئےنیلم جہلم ہائیڈرو پروجیکٹ پر گولہ باری کی،بھارت کی جانب سے آبی ذخائر پر حملہ بین الاقوامی قوانین کی صریحاً خلاف ورزی ہے۔

(جاری ہے)

سکیورٹی ذرائع کے مطابق بھارت کی جانب سے نوسیری ڈیم دریائے نیلم پر واقع انٹیک سٹرکچر کو گزشتہ شب 2 بجے نشانہ بنایا گیا، بھارتی گولہ باری سے ڈی سینڈرز یونٹ میں واقع انٹیک گیٹس کو نقصان پہنچا۔

ہائیڈرالک سسٹم کے ایک ہائیڈرالک پروٹیکشن یونٹ کو بھی نشانہ بنایا گیا۔ حملے میں ایک ایمبولینس کو بھی نقصان پہنچا ۔آبی ذخائر جیسے حساس مقامات کو نشانہ بنانا بین الاقوامی اصولوں کی صریحاً خلاف ورزی ہے۔