Live Updates

سرینگر،بھارتی پولیس نے معروف صحافی ہلال میر کو گرفتار کر لیا

بدھ 7 مئی 2025 18:14

سری نگر (اُردو پوائنٹ اخبارتازہ ترین - این این آئی۔ 07 مئی2025ء)بھارت کے غیر قانونی زیر قبضہ جموںوکشمیر میں بھارتی پولیس نے معروف کشمیری صحافی ہلال میر کو سری نگر سے گرفتار کر لیا۔کشمیرمیڈیاسروس کے مطابق صحافی ہلال میر کو شہر کے علاقے بمنہ میں گھر پر چھاپے کے دوران گرفتار کیا گیا۔

(جاری ہے)

پولیس کے کاؤنٹر انٹیلی جنس ونگ نے ہلال میر کی گرفتاری کا جواز فراہم کرنے کیلئے ان پر بھارت مخالف مواد شائع کرنے کا الزام لگایا ہے۔

پولیس نے انکا موبائل فون، لیپ ٹاپ اور دیگر کئی ڈیجیٹل آلات بھی ضبط کر لیے ہیں۔ہلال میر دبئی میں قائم بزنس نیوز ویب سائٹ کے لیے کام کرتے ہیں ۔ قبل ازیں وہ کئی مقامی اور بھارتی خبر رساں اداروں کے ساتھ کام کر چکے ہیں۔ گرفتاری کے بعد انہیں سینٹرل جیل سری نگر منتقل کیا گیا ہے۔