Live Updates

مودی کا اپنے ہی پنجاب پر حملہ کرکے الزام پاکستان پر لگانے کا منصوبہ بے نقاب

سازش کا مقصد پاکستانی شہروں پر حملے کے لئے سکھوں کی حمائت حاصل کرنا ہے

جمعرات 8 مئی 2025 22:45

نئی دہلی (اُردو پوائنٹ اخبارتازہ ترین - آن لائن۔ 08 مئی2025ء)مودی کا اپنے ہی پنجاب پر حملہ کرکے الزام پاکستان پر لگانے کا منصوبہ بے نقاب ہو گیا ۔ پاکستان کیخلاف جارحیت پر بھارتی فوج کو پاکستانی مسلح افواج کی جانب سے منہ کی کھانا پڑی۔ میڈیا رپورٹ کے مطابق ذرائع کا کہنا ہے کہ بھارتی جارحیت سے پہلے بھی بھارتی پنجاب کے سکھوں نے پاکستان کیخلاف مودی کاساتھ نہ دینے کا اعلان کیا تھا۔

(جاری ہے)

بھارتی سکھ پاکستانی پنجاب کی سرزمین کو مقدس مانتے ہیں۔ دوسری جانب مودی کو پاکستان کے لاہور اور سیالکوٹ پر حملے کیلئے بھارتی سکھوں کی حمایت چاہئے۔ ذرائع کا کہنا ہے کہ مودی بھارتی پنجاب میں فالس فلیگ آپریشن کروا کر الزام پاکستان پر لگائے گا۔ مودی کی اس سازش کا مقصد بھارتی سکھوں کی حمایت حاصل کرنا ہے۔ ، ذرائع کا کہنا ہے کہ بھارتی سکھ پہلے ہی پاکستان کی حمایت کا اعلان کرچکے ہیں۔ مودی کو اپنے مکروہ عزائم میں ناکامی کا سامنا کرنا پڑے گا۔