آپ اپنے ائیر بیس نہیں بچا سکتے تو جنتا کو کیسے بچائیں گی بھارتی صحافیوں کا اپنی ہی حکومت سے سوال

ہفتہ 10 مئی 2025 21:22

اسلام آباد (اُردو پوائنٹ اخبارتازہ ترین - این این آئی۔ 10 مئی2025ء)پاکستان کے آپریشن بنیان المرصوص کے باعث بھارتی حکومت سمیت بھارت کا میڈیا بھی بوکھلا گیا۔ دو دن قبل سوشل میڈیا پر بھارتی حکومت اور افواج کے گن گانے والا بھارتی میڈیا پاکستان کی انتقامی کارروائی سے تھر تھر کانپنے لگا ہے اور حکومتی پالیسیوں پر سوال اٹھا نے لگا۔

(جاری ہے)

بھارتی میڈیا پر ایک پروگرام کے دوران خاتون اینکر نے سوال اٹھایا کہ عوام کی گھبراہٹ واضح طور پر دکھائی دے رہی ہے کیونکہ زیادہ تر ائیر بیسز تباہ ہوتے دکھائی دے رہے ہیں اورآگ کے گولوں میں بدلتے نظر آرہے ہیں۔خاتون اینکر نے کہا کہ سب سے زیادہ لوگوں کے ذہنوں میں یہ سوال ہے کہ جب آپ اپنے ائیر بیسز کو نہیں بچا سکے تو عوام کی حفاظت کیسے کریں گی ۔