Live Updates

پی ایس ایل 10 کے بقیہ میچز کا فیصلہ 24 گھنٹوں میں ہونے کا امکان

بین الاقوامی مصروفیات کے سبب غیر ملکی کھلاڑی دستیاب نہیں ہوں گے، فرنچائزز کا انحصار مکمل طور پر مقامی کھلاڑیوں پر ہوگا

ذیشان مہتاب پیر 12 مئی 2025 11:50

پی ایس ایل 10 کے بقیہ میچز کا فیصلہ 24 گھنٹوں میں ہونے کا امکان

لاہور(اردو پوائنٹ تازہ ترین اخبار ۔ 12 مئی 2025ء ) پاکستان سپر لیگ (پی ایس ایل) سیزن 10 کے بقیہ 8 میچز کا فیصلہ آئندہ 24 گھنٹوں میں ہونے کا امکان ہے۔

ذرائع کے مطابق پی ایس ایل کے باقی میچز راولپنڈی اور لاہور میں ہوں گے جبکہ فائنل قذافی اسٹیڈیم میں کھیلا جائے گا۔

ذرائع کے مطابق بین الاقوامی مصروفیات کے سبب غیر ملکی کھلاڑی دستیاب نہیں ہوں گے، فرنچائزز کا انحصار مکمل طور پر مقامی کھلاڑیوں پر ہو گا۔

(جاری ہے)

اس سے قبل پی ایس ایل انتظامیہ نے فرنچائزز کو غیر ملکی کھلاڑیوں کو دبئی میں روکنے کا کہا تھا۔

پی ایس ایل انتظامیہ نے فرنچائز سے پاک بھارت سیز فائر کے اعلان کے فوری بعد رابطہ کیا تھا اور کہا کہ غیر ملکیوں کے ساتھ مقامی کھلاڑیوں کو بھی ذہنی طور پر تیار رہنے کا کہہ دیں۔

پی ایس ایل انتظامیہ نے پیغام دیا کہ ممکن ہے پی ایس ایل کے لیے اسلام آباد میں اکٹھا ہونا پڑے۔