Live Updates

شملہ میں پولیس نے ایک کشمیری کو گرفتار کر لیا

پیر 12 مئی 2025 15:06

شملہ(اُردو پوائنٹ اخبارتازہ ترین - این این آئی۔ 12 مئی2025ء)بھارتی ریاست ہماچل پردیش کے دارلحکومت شملہ میںپولیس نے واٹس ایپ پر پاکستانی پرچم کی تصویر کو بطور ڈسپلے پکچر استعمال کرنے پر ایک کشمیری کو گرفتار کر کے اس کے خلاف مقدمہ درج کر لیا ہے۔

(جاری ہے)

کشمیر میڈیا کے مطابق ضلع اسلام آباد سے تعلق رکھنے والا کشمیری جس کی شناخت عادل ماگرے کے طورپر ہوئی ہے ، شملہ میں 2016سے ایک نجی گیس ایجنسی کے ساتھ کام کر رہا ہے۔بھارتی پولیس نے عادل کی گرفتاری کا جواز پیش کرنے کے لئے دعویٰ کیاہے کہ ماگرے کے خلاف بھارت دشمن سرگرمیوں اور مذہب، زبان، ذات، نسل یا برادری کی بنیاد پر انتشار کوہوا دینے پر مقدمہ درج کیا گیا ہے۔