Live Updates

پاکستان کی سمندری معیشت سالانہ 100 ارب ڈالر کما سکتی ہے،وزیر بحری امور

بدھ 14 مئی 2025 19:51

اسلام آباد (اُردو پوائنٹ اخبارتازہ ترین - این این آئی۔ 14 مئی2025ء)وفاقی وزیر برائے بحری امور جنید انوار کی ہدایت پر وزارت نے بلیو اکانومی پالیسی پر کام شروع کر دیا ہے۔اپنے بیان میں وفاقی وزیر جنید انوار نے کہا کہ پاکستان کے بلیو اکانومی شعبے میں اصلاحات کی ضرورت ہے، پاکستان کی سمندری معیشت سالانہ 100 ارب ڈالر کما سکتی ہے۔

(جاری ہے)

جنید انوار نے کہا کہ پالیسی پر تمام شراکت داروں سے مشاورت کی جائے گی، ماہی گیری، سیاحت اور شپنگ سے آمدنی میں کئی گنا اضافہ ممکن ہے۔انہوں نے کہا کہ بلیو اکانومی کا عالمی حجم 1.5 ٹریلین ڈالر تک پہنچ گیا ہے، سمندری شعبے میں جدید ٹیکنالوجی کی کمی بڑا چیلنج ہے۔وفاقی وزیر جنید انوار نے کہا کہ شپ ری سائیکلنگ اور گرین پورٹس سے اضافی آمدن ہوگی۔