Live Updates

مسلم ممالک نیٹو کی طرز پر فوجی اتحاد تشکیل دیں: سراج الحق

بدھ 14 مئی 2025 20:25

لاہور (اُردو پوائنٹ اخبارتازہ ترین - آن لائن۔ 14 مئی2025ء) سابق امیر جماعت اسلامی سراج الحق نے ہدیة الہادی پاکستان کے زیراہتمام آل پارٹیز کانفرنس سے خطاب کرتے ہوئے کہا ہے کہ مسلم ممالک نیٹو کی طرز پر فوجی اتحاد تشکیل دیں، یہ اتحاد بن گیا تو کسی کو جارحیت کی جرأت نہیں ہو گی، ایک مسلم ملک پر حملہ امت مسلمہ پر تصور کیا جائے۔

(جاری ہے)

’’ہندوستان کو پیغام‘‘ کانفرنس سے خطاب کرتے ہوئے انھوں نے افواج پاکستان بالخصوص پاک فضائیہ کو خراج تحسین پیش کیا اور کہا کہ حالیہ جنگ کے دوران فضائیہ کے پائلٹوں نے ایم ایم عالم کی تاریخ دہرائی ہے، شاہین صفت فوج نے ایک اژدھے کا سر کچلا ہے۔

انھوں نے کہا کہ ہندوتوا کے پیروکار جنونی مودی نہ صرف پاکستان بلکہ خطے کے امن کو خطرہ ہے۔ انھوں نے کہا کہ ایک طرف اہل غزہ نے گریٹر اسرائیل کا خواب چکنا چور کیا تو دوسری طرف افواج پاکستان نے اکھنڈ بھارت کے نظریے کو خاک میں ملا دیا۔ انھوں نے کہا کہ آر ایس ایس اپنے ناپاک مقاصد میں کبھی کامیاب نہیں ہو گی۔