ح*پنجاب پولیس اپنی فورس اور انکے اہل خانہ کی ہیلتھ ویلفیئر کیلئے پرعزم

آئی جی پنجاب ڈاکٹر عثمان انور نے پولیس ملازمین، انکے اہلخانہ کے علاج معالجے کیلئے مزید 28 لاکھ 90 ہزار روپے جاری کر دیئے، ترجمان پنجاب پولیس

بدھ 14 مئی 2025 20:05

Eلاہور (اُردو پوائنٹ اخبارتازہ ترین - آن لائن۔ 14 مئی2025ء) انسپکٹر جنرل پولیس پنجاب ڈاکٹر عثمان انور اپنی فورس اور انکے اہل خانہ کی ہیلتھ ویلفیئر کیلئے پرعزم ہیں جس کے تسلسل میں پولیس ملازمین اور انکے اہلخانہ کے علاج معالجے کیلئے مزید 28 لاکھ 90 ہزار روپے جاری کر دیئے۔ ترجمان پنجاب پولیس نے تفصیلات سے آگاہ کرتے ہوئے بتایا کہ ریٹائرڈ آفس سپرنٹنڈنٹ عبدالغفار کو جگر کے کینسر کے علاج کیلئے 05 لاکھ روپے اور سکیورٹی کانسٹیبل قیصر مسیح کی میجر سرجری کیلئے 03 لاکھ 50 ہزار روپے دئیے گئے۔

کانسٹیبل سید افتخار حسین کو بیوی کے بریسٹ کینسر کے علاج معالجے اورکانسٹیبل تنویر احمد کو میجر سرجری کیلئے اڑھائی لاکھ روپے فنڈز جاری کیے گئے۔ انسپکٹر عبیداللہ خان، سب انسپکٹر شہزاد رسول اور ڈرائیور کانسٹیبل ناہید اسلم کو علاج معالجے کیلئے 02 لاکھ روپے فی کس دئیے گئے۔

(جاری ہے)

سب انسپکٹر عطا محمد، اے ایس آئی محسن علی، کانسٹیبل نذیر احمد، جونیئر پٹرولنگ آفیسر علی رضا اور کانسٹیبل عابد علی کو علاج معالجے کی مد 01 لاکھ روپے فی کس جاری کیے گئے۔

اے ایس آئی محمد نوید، کانسٹیبل منور خان، ٹیکنیکل آفیسر وسیم عباس، جونیئر پٹرولنگ آفیسر عبدالجبار اور سینٹری ورکر حسین شریف کو علاج معالجے کی مد میں مجموعی طور پر 03 لاکھ 40 ہزار روپے دئیے گئے۔ ترجمان پنجاب پولیس نے بتایا کہ آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈز اجراء کی منظوری دی۔ ڈاکٹر عثمان انور نے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔