Live Updates

اسٹیٹ بینک نے نوٹوں پر قلم سے کوئی بھی تحریر لکھنے پر پابندی لگادی

نئے مالی سال آغاز پر جولانی سے لکھائی والے کرنسی نوٹ قابل قبول نہیں ہوں گے.مرکزی بینک کا اعلامیہ

میاں محمد ندیم جمعرات 15 مئی 2025 15:34

اسٹیٹ بینک نے نوٹوں پر قلم سے کوئی بھی تحریر لکھنے پر پابندی لگادی

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔ 15 مئی ۔2025 )اسٹیٹ بینک آف پاکستان نے نوٹوں پر قلم سے کوئی بھی تحریر لکھنے پر پابندی لگادی ہے نجی ٹی وی کے مطابق اسٹیٹ بینک آف پاکستان کی جانب سے جاری کردہ اعلامیے میں کہا گیا ہے کہ نئے مالی سال 26-2025 کے آغاز پر یکم جولانی سے جس نوٹ پر قلم کی لکھائی موجود ہوگی، وہ نوٹ قابل قبول نہیں ہوگا.

(جاری ہے)

اسٹیٹ بینک کا کہنا ہے کہ قلم کے استعمال سے نوٹوں کی خوبصورتی پہ اثر پڑتا ہے، یکم جولائی 2025 سے جس نوٹ پر لکھائی موجود ہوئی وہ نوٹ قابل قبول نہیں ہوگا مرکزی بینک کے اعلامیے سے ظاہر ہوتا ہے کہ لکھائی والے تمام نوٹوں کو 30 جون 2025 تک اسٹیٹ بینک میں جمع کرایا جاسکتا ہے، جس کے بعد قلم کی لکھائی والے نوٹ وصول نہیں کیے جائیں گے. واضح رہے کہ اکثر و بیشتر دکان دار نوٹ گننے کے دوران کوئی بات چیت کرتے ہیں، تو جتنے نوٹ گنے ہوتے ہیں وہ نمبر ہاتھ میں موجود قلم سے نوٹ پر لکھ دیتے ہیں تاکہ انہیں از سر نو نوٹ گننے نہ پڑیں اس طرح مارکیٹ میں زیر گردش نوٹوں پر قلم سے لکھی گئی مختلف تحاریر بھی موجود ہوتی ہیں جن سے کرنسی نوٹوں کی خوبصورتی متاثر ہوتی ہے.