Live Updates

ًرافیل تباہ کرکے بھارت کو شرمسار کرنیوالے جے 10 سی کا ہیومن ماڈل بناکر پاک فضائیہ کو منفرد خراج تحسین

جمعرات 15 مئی 2025 21:10

جھنگ(اُردو پوائنٹ اخبارتازہ ترین - آن لائن۔ 15 مئی2025ء)بھارت کا غرور خاک میں ملانے والی پاک فضائیہ کو مسلم انسٹیٹیوٹ نے شاندار خراج تحسین پیش کیا ہے۔رافیل کو تباہ اور بھارت کو شرمسار کرنے والے طیارے جے 10 سی کا ہیومن ماڈل بنا دیا گیا۔

(جاری ہے)

دربار سلطان باہو پر جذبہ حب الوطنی کا فقیدالمثال مظاہرہ کیا گیا، ہزاروں افراد نے مل کر افواج پاکستان کو خراج تحسین اور دوست ممالک کا شکریہ ادا کیا۔

''پاکستان کا مطلب کیا لا الہ الا اللہ'' کے نعروں سے فضا گونجتی رہی۔ چائنا، ترکیہ، آذربائیجان اور سعودی عرب سمیت پاکستان کا ساتھ دینے والے تمام ممالک کا شکریہ ادا کیا گیا۔جے ٹین سی کے انسانی ماڈل کے ایک طرف شرکا ''پاکستان زندہ باد'' تو دوسری طرف ''شکریہ چین، ترکیہ اور آذربائجان'' کے سانچے میں خود کو سموئے ہوئے تھے۔