Live Updates

بھارتی فوجیوں کے حق میں پیغام، چیئرمین آئی سی سی جے شاہ کے دوغلے پن پر شدید تنقید

جے شاہ کو چیئرمین آئی سی سی کے عہدے سے ہٹایا جائے، سوشل میڈیا صارفین کا مطالبہ

ذیشان مہتاب جمعہ 16 مئی 2025 16:13

بھارتی فوجیوں کے حق میں پیغام، چیئرمین آئی سی سی جے شاہ کے دوغلے پن ..

نئی دہلی (اردو پوائنٹ تازہ ترین اخبار ۔ 16 مئی 2025ء ) بھارتی فوجیوں کے حق میں پیغام جاری کرنے پر چیئرمین انٹرنیشنل کرکٹ کونسل (آئی سی سی) جے شاہ تنقید کی زد میں آگئے۔

(جاری ہے)

آسٹریلیا کے معروف صحافی میلکم کون نے جے شاہ کی دوغلی پالیسی پر شدید تنقید کرتے ہوئے کہا کہ آئی سی سی نے آسٹریلوی ٹیسٹ کرکٹر عثمان خواجہ پر تو کرکٹ بیٹ پر امن کی علامت ’فاختہ‘ کی تصویر لگانے پر پابندی لگائی تھی مگر بھارتی وزیرداخلہ امیت شاہ کے بیٹے اور آئی سی سی چیئرمین جے شاہ پاک بھارت کشیدگی میں بھارتی فوج کو کھلم کھلا سپورٹ کررہے ہیں۔

آسٹریلوی صحافی نے کہا کہ یہ حیران کن اور دوغلاپن ہے۔

دوسری جانب کرکٹ فینز نے بھی جے شاہ پر تنقید کرتے ہوئے کہا کہ جے شاہ کھل کر جنگ کی حمایت کر رہے ہیں اور وہ بھی آئی سی سی کے ایک رکن یعنی پاکستان کے خلاف۔

سوشل میڈیا صارفین کی جانب سے مطالبہ کیا گیا کہ جے شاہ کو چیئرمین آئی سی سی کے عہدے سے ہٹایا جائے۔