ملک کے بیشتر حصے سخت گرمی کی لپیٹ میں، سبی میں پارہ 50 ڈگری کو پہنچ گیا

ہفتہ 17 مئی 2025 22:08

اسلام آباد (اُردو پوائنٹ اخبارتازہ ترین - این این آئی۔ 17 مئی2025ء)ملک کے بیشتر حصے میں ہیٹ ویو کی صورتِ حال جاری ہے۔محکمہ موسمیات کے مطابق ہفتے کوسبی 50ڈگری سینٹی گریڈ کے ساتھ ملک کا گرم ترین شہر رہا جبکہ تربت میں درجہ حرارت 45ڈگری ریکارڈ کیا گیا، تاہم یہاں گرمی کی شدت 49ڈگری تک محسوس کی جا رہی ہے، اس کے علاوہ لاڑکانہ اور نواب شاہ میں 49جبکہ سکھر، دادو، جیکب آباد میں 48اور کوئٹہ میں 40ڈگری سینٹی گریڈ ریکارڈ کیا گیا۔

(جاری ہے)

حیدرآباد، لاہور، فیصل آباد اور پشاور میں 42ڈگری سینٹی گریڈ کی گرمی کی شدت 47ڈگری، اسلام آباد اور راولپنڈی میں 45ڈگری کی گرمی 48اور کراچی میں 34ڈگری کی گرمی 38ڈگری محسوس کی گئی۔گرمی میں اضافے کے ساتھ ہی ٹھنڈے مشروبات کی طلب بڑھ گئی جبکہ گرمی کے باعث ہونے والی بیماریوں میں بھی اضافہ ہو گیا ہے۔