Live Updates

شہباز شریف کے بانی پی ٹی آئی کیخلاف 10ارب ہر جانے کے دعوے کی سماعت 24مئی تک متوی

وزیر اعظم شہباز شریف بذریعہ ویڈیو لنک عدالت میں پیش ہوئے،آئندہ سماعت پر شہباز شریف پر مزید جرح ہو گی

ہفتہ 17 مئی 2025 22:46

شہباز شریف کے بانی پی ٹی آئی کیخلاف 10ارب ہر جانے کے دعوے کی سماعت 24مئی ..

لاہور (اُردو پوائنٹ اخبارتازہ ترین - این این آئی۔ 17 مئی2025ء) عدالت نے وزیر اعظم شہباز شریف کے بانی پی ٹی آئی عمران خان کے خلاف 10ارب ہرجانہ کے دعوے کی سماعت 24مئی تک ملتوی کر دی ۔وزیر اعظم شہباز شریف بذریعہ ویڈیو لنک عدالت میں پیش ہوئے۔بانی پی ٹی آئی کے وکیل نے شہباز شریف سے سوال کیا کہ کیا اس وقت آپ کے سامنے ہرجانے کے دعوے کی کاپی موجود ہی ۔

اس پر شہباز شریف نے کہا کہ جی نہیں، اس وقت میرے پاس ہرجانے کے کیس کی کاپی موجود نہیں۔

(جاری ہے)

وزیر اعظم شہباز شریف نے عدالت سے استدعا کی کہ تھوڑی مہلت دیں، میرے وکلا واٹس ایپ سے دعوے کی کاپی بھجوا رہے ہیں۔ شہباز شریف کی استدعا پر عدالتی کارروائی میں وقفہ کردیا گیا۔وقفے کے بعد شہبازشریف کے وکیل نے کہا کہ بانی پی ٹی آئی کے وکیل نے جو سوالات اٹھائے ہیں، انہیں صرف حتمی بحث کے وقت اٹھایا جا سکتا ہے، ضابطہ دیوانی کے تحت حق دفاع ختم ہو تو جوابِ دعوی بھی ختم تصور ہوگا۔بعد ازاں عدالت نے کیس کی سماعت 24 مئی تک ملتوی کر دی، آئندہ سماعت پر شہباز شریف پر مزید جرح ہو گی۔یاد رہے کہ شہباز شریف نے عمران خان کے خلاف 10 ارب روپے ہرجانے کا دعوی دائر کر رکھا ہے۔