Live Updates

شاہد آفریدی کی وزیراعظم سے ملاقات، آپریشن بنیان مرصوص کی کامیابی پر مبارکباد

شاہد خان آفریدی نے وزیراعظم شہباز شریف سے ملاقات کی تصویر اپنے سوشل میڈیا اکاؤنٹ پر شیئر کی

اتوار 18 مئی 2025 11:45

اسلام آباد(اُردو پوائنٹ اخبارتازہ ترین - این این آئی۔ 18 مئی2025ء)وزیراعظم شہباز شریف سے پاکستان کرکٹ ٹیم کے سابق کپتان شاہد خان آفریدی نے ملاقات کی اور انہیں آپریشن بنیان مرصوص کی کامیابی کی مبارک باد دی۔سابق ٹیسٹ کرکٹر اور آل راؤنڈر شاہد خان آفریدی نے وزیراعظم شہباز شریف سے ملاقات کی تصویر اپنے سوشل میڈیا اکاؤنٹ پر شیئر کی ہے۔

(جاری ہے)

وزیراعظم شہباز شریف سے ملاقات میں شاہد آفریدی نے آپریشن ''بنیان مرصوص'' کی شاندار کامیابی پر یومِ تشکر کے موقع پر وزیراعظم اور پاکستان کی بہادر مسلح افواج کو دلی مبارکباد پیش کی۔

فوٹوز اینڈ ویڈیوز شیئرنگ ایپ انسٹاگرام پر تصویر شیئر کرتے ہوئے شاہد آفریدی نے کہا کہ آپریشن ''بنیان مرصوص'' کی کامیابی قوم کے عزم، اتحاد اور دفاعی قوت کی مظہر ہے۔ پاک فوج کی قربانیاں اور حکومتی قیادت کی حکمت عملی نے اس مشن کو کامیابی سے ہمکنار کیا۔