Live Updates

چین کا J-10 ایف سولہ طیاروں کی برآمدات کیلئے بڑا خطرہ بن سکتا ہے، امریکی جریدہ

چین کی کوشش ہے کہ وہ J-10 کو امریکی ساختہ طیارہ 16-F کا حقیقی حریف بنائے،رپورٹ

اتوار 18 مئی 2025 13:35

واشنگٹن (اُردو پوائنٹ اخبارتازہ ترین - این این آئی۔ 18 مئی2025ء)امریکی جریدے نے کہا ہے کہ چین کا J-10 لڑاکا طیارہ امریکا کے F-16 طیاروں کی برآمدات کے لیے بڑا خطرہ بن سکتا ہے۔امریکی جریدے نے اپنی رپورٹ میں کہا کہ بھارت اور پاکستان کے حالیہ تنازع میں چینی ہتھیاروں اور جنگی طیاروں نے مغرب کی توقعات سے کہیں زیادہ کارکردگی دکھائی ہے۔

(جاری ہے)

رپورٹ کے مطابق چین کے PL-15 ائیر ٹو ائیر میزائل سے لیس J-10 جنگی طیارہ بھارت کی ابتدائی پیش قدمی کو مکمل طور پر روکنے میں کامیاب رہا۔

امریکی جریدے کا کہنا تھا کہ اب چین کی کوشش ہے کہ وہ J-10 کو امریکی ساختہ طیارہ 16-F کا حقیقی حریف بنائے۔رپورٹ میں کہا گیا ہے کہ اگر چینی کمپنیاں امریکی F-16 کی فروخت میں خلل ڈالنے میں کامیاب ہو جاتی ہیں تو یہ امریکا کے دفاعی شعبے کے لیے بہت بڑا دھچکا ہوگا۔