انتہا پسند بھارتی وزراء اور بھارتی فوج کے ریٹائرڈ افسران آمنے سامنے آگئے

پیر 19 مئی 2025 22:24

نئی دہلی (اُردو پوائنٹ اخبارتازہ ترین - آن لائن۔ 19 مئی2025ء) انتہا پسند بھارتی وزرا اور بھارتی فوج کے ریٹائرڈ افسران آمنے سامنے آگئے ۔ معرکہ مرصوص میں ذلت آمیز ناکامی پر انتہا پسند بھارتی وزراء کی بھارتی فوج کے خلاف ہرزہ سرائی، کرنل صوفیہ قریشی پر تنقید کے حوالے سے میجر جنرل (ر) شریواستو سمیت دیگر سابق فوجی افسران نے بھارتی وزراء کو آڑے ہاتھوں لے لیا۔

ذرائع کے مطابق ریٹائرڈ بھارتی فوجی افسران نے مطالبہ کرتے ہوے سوال اٹھایا ہے کہ بھارتی فوج کی توہین کرنے والے وزیروں کو مودی برطرف کیوں نہیں کر رہی ۔ میجر جنرل (ر) شریواستو کا کہنا ہے کہ مدھیہ پردیش کے وزیر وجے شاہ اور نائب وزیر اعلیٰ جگدیش دیوڈا فوج پر کیچڑ اچھال رہے ہیں۔ فوج صرف بھارت ماتا کے سامنے جھکتی ہے، مودی جیسے سیاستدانوں کے قدموں میں نہیں ۔

(جاری ہے)

مودی کے قدموں میں فوج کو جھکانے کا بیان شرمناک اور ناقابل قبول ہے۔ سابق بھارتی فوجی نے کہا مدھیہ پردیش کے وزراء فوج کی قربانیوں کامذاق اڑا رہے ہیں۔ بھارتی ریٹائرڈ افسران کا کہنا ہے کہ فوج میں کرنل صوفیہ قریشی جیسے افسران قوم کا فخر ہیں، مودی حکومت ان پر بھی حملہ آور ہو رہی ہے۔ جو فوج کی تذلیل کرے وہ وزیر نہیں بلکہ مودی کا ترجمان ہے۔

ریٹائرڈ افسران کا کہنا ہے کہ مودی حکومت کی خاموشی ثابت کرتی ہے کہ وہ فوج کی توہین میں شریک ہے۔ فوج پر حملے ہو رہے ہیں اور مودی سرکار تماشائی بنی ہوئی ہے۔ فوجی ادارے مودی کی غلامی کے لیے نہیں، قوم کے تحفظ کے لیے ہیں۔ دفاعی ماہرین کا کہنا ہے کہ فوجی اداروں کو سیاسی غلام بنانا مودی سرکار کا خطرناک ایجنڈا ہے۔ معرکہ بنیان مرصوص میں بھارتی شکست ثابت کرتی ہے کہ بھارتی فوج صرف میڈیا پر طاقتور ہے۔ مودی کی ضد اور غرور نے بھارت کو سفارتی و عسکری محاذ پر تنہا کر دیا ہے۔ پاکستانی فوج نے پیشہ ورانہ مہارت سے بھارت اور بھارتی فوج کا جنگی غرور خاک میں ملا یا۔