یوکرین سے براہ راست رابطے کا ابھی فیصلہ نہیں ہوا، روس

روس کی دلچسپی تنازع کی بنیادی وجوہات ختم کرنے میں ہے،ترجمان کریملن

منگل 20 مئی 2025 15:38

یوکرین سے براہ راست رابطے کا ابھی فیصلہ نہیں ہوا، روس

ماسکو (اُردو پوائنٹ اخبارتازہ ترین - این این آئی۔ 20 مئی2025ء)ترجمان کریملن نے کہا ہے کہ اگلے روس یوکرین براہ راست رابطے سے متعلق ابھی کوئی فیصلہ نہیں ہوا۔غیرملکی خبررساں ادارے کے مطابق ترجمان کا کہنا تھا کہ روس یوکرین معاہدے کی تیاری کی ڈیڈ لائن نہیں دی جاسکتی۔

(جاری ہے)

مسئلہ بظاہر سادہ لگتا ہے مگر اس میں پیچیدگیاں ہیں۔انہوں نے کہا کہ روس کی دلچسپی تنازع کی بنیادی وجوہات ختم کرنے میں ہے۔ترجمان کریملن نے کہا کہ ٹرمپ پیوٹن گفتگو میں ویٹی کن کی تجویز پرخصوصی بات نہیں کی گئی۔انہوں نے مزید کہا کہ ویٹی کن کی یوکرین مذاکرات میں شرکت کی تجویز سے ماسکو آگاہ ہے۔