روسی صدر پیوٹن سے گفتگو مثبت رہی، ڈونلڈ ٹرمپ

فریقین کے درمیان جنگ بندی کی شرائط باہمی مشاورت سے طے کی جائیں گی،گفتگو

منگل 20 مئی 2025 17:10

واشنگٹن (اُردو پوائنٹ اخبارتازہ ترین - این این آئی۔ 20 مئی2025ء)امریکی صدر ڈونلڈ ٹرمپ نے انکشاف کیا ہے کہ روسی صدر ولادیمیر پیوٹن سے ان کی گفتگو بہت مثبت رہی ہے اور روس یوکرین جنگ بندی کے مذاکرات جلد شروع ہونے جا رہے ہیں۔

(جاری ہے)

میڈیارپورٹس کے مطابق واشنگٹن میں میڈیا سے گفتگو کرتے ہوئے ٹرمپ نے بتایا کہ فریقین کے درمیان جنگ بندی کی شرائط باہمی مشاورت سے طے کی جائیں گی۔ٹرمپ نے کہا کہ روس جنگ کے خاتمے کے بعد امریکا سے تجارتی تعلقات بحال کرنے میں دلچسپی رکھتا ہے، جو اس پیش رفت کو مزید تقویت دیتا ہے۔ ان کے مطابق ویٹی کن سٹی نے ان مذاکرات کی میزبانی میں دلچسپی ظاہر کی ہے، جس سے جنگ کے خاتمے کی کوششوں کو ایک نیا عالمی اخلاقی پہلو بھی حاصل ہو سکتا ہے۔