Live Updates

بنگلہ دیش کے سکواڈ کے 2 اراکین کا پاکستان آنے سے انکار

رواں ماہ کے اختتام پر پاکستان آنے والے بنگلہ دیشی اسکواڈ میں ایک فاسٹ باولر اور ایک کوچ شامل نہیں ہوں گے

ذیشان مہتاب جمعرات 22 مئی 2025 11:28

بنگلہ دیش کے سکواڈ کے 2 اراکین کا پاکستان آنے سے انکار

لاہور (اردو پوائنٹ تازہ ترین اخبار ۔ 22 مئی 2025ء ) بنگلہ دیش کے اسکواڈ کے 2 اراکین کا پاکستان آنے سے انکار، رواں ماہ کے اختتام پر پاکستان آنے والے بنگلہ دیشی اسکواڈ میں ایک فاسٹ باولر اور ایک کوچ شامل نہیں ہوں گے۔

بنگلہ دیش کے فاسٹ باولر ناحید رانا اور کوچنگ اسٹاف کے ایک رکن نے پاکستان کا دورہ کرنے سے انکار کر دیا ہے۔

دوسری جانب پاکستان کرکٹ بورڈ (پی سی بی) نے بنگلہ دیش کے خلاف تین میچوں کی ٹی ٹونٹی سیریز کے لیے نظرثانی شدہ شیڈول جاری کر دیا ہے۔

سیریز 28 مئی سے یکم جون تک لاہور کے مشہور قذافی اسٹیڈیم میں ہوگی۔

ایکشن سے بھرپور سیریز کا آغاز بدھ، 28 مئی کو پہلے ٹی ٹوئنٹی سے ہوگا اور اس کے بعد دوسرا میچ 30 مئی بروز جمعہ کو ہوگا۔ تیسرا اور آخری T20I اتوار، یکم جون کو شیڈول ہے۔

(جاری ہے)

نئے شیڈول میں 2 میچز کم کردیے گئے ہیں جبکہ فیصل آباد بھی اب کسی میچ کی میزبانی نہیں کر سکے گا۔

بنگلہ دیش کی ٹیم 25 مئی کو لاہور پہنچے گی جس میں 26 اور 27 مئی کو تربیتی سیشنز ہوں گے تاکہ سیریز سے قبل بہترین تیاری کو یقینی بنایا جا سکے۔

تینوں میچ مقامی وقت کے مطابق رات 8 بجے شروع ہوں گے۔

واضح رہے کہ گزشتہ روز چئیرمین پی سی بی محسن نقوی کل خصوصی طور پر ایک روزہ دورے پر دئبی پہنچے تھے، جہاں انہوں نے بنگلا دیش کرکٹ بورڈ کے چیئرمین اور صدر سے ملاقاتیں کیں تھی اور دورے کیلئے قائل کیا تھا۔

پی سی بی بنگلہ دیش کی میزبانی اور قذافی اسٹیڈیم میں روشنیوں کے نیچے اعلیٰ معیار کی کرکٹ کا وعدہ کرنے والی ایک دلچسپ سیریز پیش کرنے کا منتظر ہے۔