Live Updates

بنگلادیش کیخلاف کیوں سکواڈ میں شاہین شاہ آفریدی کو شامل نہ کیے جانے کی وجہ سامنے آگئی

3 ٹی ٹونٹی میچز کی سیریز میں بابر اعظم، رضوان اور شاہین کو 16 رکنی سکواڈ میں شامل نہیں کیا گیا

ذیشان مہتاب جمعرات 22 مئی 2025 12:22

بنگلادیش کیخلاف کیوں سکواڈ میں شاہین شاہ آفریدی کو شامل نہ کیے جانے ..

لاہور (اردو پوائنٹ تازہ ترین اخبار ۔ 22 مئی 2025ء ) قومی ٹیم کے فاسٹ بولر شاہین شاہ آفریدی کی بنگلادیش کیخلاف سیریز سے ازخود دستبردار ہونے کی اطلاعات ہیں۔

ایکسپریس نیوزکے مطابق قومی ٹیم کے فاسٹ بولر شاہین آفریدی نے بنگلا دیش کے دورہ سے چند روز قبل پاکستان کرکٹ بورڈ (پی سی بی) کے اعلیٰ عہدیدار سے رابطہ کرکے کہا تھا کہ وہ آرام کرنا چاہتے ہیں۔

شاہین کا کہنا تھا کہ میری جگہ بنگلا دیش کیخلاف سیریز میں کسی نوجوان کھلاڑی کو صلاحیتوں کے اظہار کا موقع دیا جائے۔

(جاری ہے)

قبل ازیں گزشتہ روز پاکستان کرکٹ بورڈ (پی سی بی) نے بنگلادیش کیخلاف 16 رکنی اسکواڈ کا اعلان کیا تھا، جس میں حیران کُن طور پر بابراعظم، محمد رضوان، شاہین شاہ آفریدی کے نام شامل نہیں تھے۔

اسی طرح پی ایس ایل میں شاندار کارکردگی کا مظاہرہ کرنے کے باوجود سفیان مقیم کو کمزور حریف بنگلادیش کیخلاف موقع نہیں دیا گیا تھا، جس پر فینز نے سلیکشن کمیٹی کو کڑی تنقید کا نشانہ بنایا تھا۔