خضدار میں اسکول بس پر فتنہ الہندوستان کے حملے کے مزید 2 طلبہ شہید ہوگئے

جمعہ 23 مئی 2025 17:49

خضدار (اُردو پوائنٹ اخبارتازہ ترین - این این آئی۔ 23 مئی2025ء)خضدار میں اسکول بس پر بھارتی اسپانسرڈ فتنہ الہندوستان کے دہشت گردوں کے حملے میں شدید زخمی ہونے والے مزید 2 طلبہ زخموں کی تاب نہ لاکر شہید ہوگئے۔

(جاری ہے)

نجی ٹی وی کے مطابق سیکیورٹی ذرائع نے بتایا کہ طالبعلم 13 سالہ حیدر اور 12 سالہ ملائیکہ منگل کو خضدار میں اسکول بس پر فتنہ الہندوستان کے حملے میں شدید ہو ئے تھے، تاہم زخموں کی تاب نہ لاکر شہید ہوگئے۔سیکیورٹی ذرائع کے مطابق طالبعلم حیدر اور ملائیکہ کی شہادت کے بعد واقعے میں شہید طلبہ و طالبات کی تعداد 6 ہوگئی ہے، شہدا میں 5 طالبات اور ایک طالبعلم شامل ہے۔